Քանի դեռ սեզոնը չի ավարտվել, կարելի է պատրաստել Համեղ սմբուկ ձմռան համար:
Սմբուկի պահածոն համեղ կծու է, բուսական լցոնով: Բաղադրատոմսը պարզ է, մթերքների հավաքածուն նվազագույն է, և պատրաստման ժամանակը նույնպես շատ չի պահանջում:
Համեղ սմբուկ ձմռան համար. Հարկավոր են հետևյալ բաղադրիչները
_ սմբուկ 1 կգ
_ լոլիկ 2 կգ
_ քաղցր պղպեղ 10 հատ
_ սխտոր 1 գլուխ
_ քացախ 9% 2 ճաշի գդալ
_ բուսական յուղ 200 մլ
_ սև պղպեղ 0,5 թեյի գդալ
_ աղ 2 ճաշի գդալ
_ շաքարավազ 6 ճաշի գդալ
_ սամիթ 1 փունջ
Համեղ սմբուկ ձմռան համար. Պատրաստման եղանակը
_ Սմբուկը կտրատել մեծ կտորներով։
_ Լոլիկը մանրացնել մսաղացով, հասցնել եռման աստիճանի և 30 րոպե եփել մարմանդ կրակի վրա։
_ Քերել սխտորը քերիչով։
_ Տապակել սմբուկները բուսայուղի մեջ երկու կողմից մինչև ոսկե դարչնագույնը:
_ Տապակել քաղցր պղպեղի կտորները։
_ Աղ անել լոլիկի սոուսը, ավելացնել շաքարավազը, սև պղպեղը, լցնել քացախը, ավելացնել սխտորը, մանր կտրատած կանաչիները և եփել մի քանի րոպե՝ եռալուց հետո։
_ Սմբուկն ու քաղցր պղպեղը շերտերով շարել բանկաների մեջ, լցնել լոլիկի հյութը, ծածկել կափարիչներով։
_ Բանկաները կաթսայի մեջ դնել սրբիչի վրա և տաք ջուր լցնել մինչև դրանց ուսերը։
_ 20 րոպե 500 գրամանոց և 30 րոպե 1 լիտրանոց բանկաները ստերիլիզացնել եռման պահից։
_ Կափարիչներով փակել, բանկաները շրջել և թողնել, որ սառչեն։
Պահածոն պահել նկուղում կամ մառանում:
Շատ համեղ խորտիկ է, որը միշտ կօգնի ձեզ և հիանալի կփոխարինի մսային և ձկան ուտեստներին:
Բարի ախորժակ:
