Համեղ սոուս. Նրբահամ հավելում մսային ուտեստներին

Բուրավետ, կծու և շատ անսովոր ծիրանի համեղ սոուս մսային նախուտեստների համար։ Ստացվում է շատ նուրբ, քաղցր, թթու համ և պարզապես անմոռանալի բուրմունք:

Սոուսը կարելի է պարզապես մատուցել մսի հետ կամ օգտագործել որպես մարինադի մաս:

Համեղ սոուս. Անհրաժեշտ բաղադրիչները

_Ծիրան 1 կգ

_Կարմիր բուլղարական պղպեղ 100 գր

_Սոխ 100 գր

_Աղ 0,5 թեյի գդալ

_Շաքարավազ 3-4 ճաշի գդալ

_Կարրի 1/3 թեյի գդալ

_Իտալական կանաչիներ 0,5 թեյի գդալ

_Կծու պղպեղ 1/3 թեյի գդալ

_Խնձորի քացախ 4-5 ճաշի գդալ

_Բուսական յուղ 30 մլ

_Ջուր 60 մլ

Համեղ սոուս. Պատրաստման եղանակը

_Սոուսի համար պետք է ընտրել հասած, փափուկ ծիրան, կիսել և հեռացնել կորիզները:

_Կտրատել սոխը բարակ կիսաօղակներով և տապակել բուսայուղի մեջ, մինչև թափանցիկ դառնա։

_Սոխին ավելացնել քաղցր պղպեղի շերտերը, խառնել բանջարեղենը և տապակել 5 րոպե։

_Ավելացնել ծիրանը, խառնել և եփել մարմանդ կրակի վրա ևս 5-7 րոպե։

_Ավելացնել աղը, շաքարավազը և խառնել։

_Լցնել բոլոր համեմունքները, անուշաբույր կանաչիները, շարունակել խառնելը:

_Լցնել ջուրը և քացախը:

_Տապակը վերցնել կրակից և զանգվածը սուզվող բլենդերով վերածել միատարր խյուսի։

_Սոուսը հասցնել եռման աստիճանի, թուլացնել կրակը և եփել 15 րոպե՝ երբեմն խառնելով:

_Լցնել սոուսը ստերիլիզացված բանկաների մեջ և փակել կափարիչները:

_Վերցնել փոքր բանկաներ, քանի որ ավելի լավ է սոուսը բացելուց հետո երկար ժամանակ չպահել սառնարանում։

Շրջված բանկաները ծածկել, թողնել, մինչև սառչի և պահել նկուղում կամ մառանում։

Անպայման թողեք մի քիչ սոուս՝ անմիջապես փորձելու համար, ձեզ անպայման դուր կգա իր բույրով, թանձր հյուսվածքով և արտասովոր համով։

Բարի ախորժակ:

Տեսանյութ

Համեղ սոուս մսային ուտեստների համար