Համեղ սպաս. Ամենաթեթև, նրբահամ և առողջարար ապուրը, որը կարելի է ուտել տարվա բոլոր եղանակներին: Այն միշտ կփրկի, եթե մարդու օրգանիզմում «ոչ հաճելի» պրոցեսներ են ընթանում: Սպասը կարելի է հանգիստ տալ անգամ փոքրիկներին, քանի որ այն շատ թեթև է:
Սպասը կարելի է մատուցել ոչ միայն որպես ջրիկ ապուր, այլ նաև ճոխ հյուրասիրության վերջում, որպեսզի մեղմեն դրա հետեւանքները:
Համեղ սպաս. Անհրաժեշտ բաղադրիչներ
_500 գ մածուն
_3 — 4 ճաշի գդալ յուղալի թթվասեր
_1/2 բաժակ ձավար
_1 ձու
_3 ճաշի գդալ ալյուր
_աղ
_Մանր կտրատած համեմի և անանուխի փոքրիկ փունջ
Սոխեռածի համար`ըստ ցանկության
_2 միջին սոխ
_3 ճաշի գդալ յուղ
Համեղ սպաս. Պատրաստման եղանակը
_Ձավարը լվանալ սառը ջրով, լցնել մաղի վրա: Լցնել ձավարը կաթսայի մեջ, առատորեն ծածկել սառը ջրով, հասցնել եռման աստիճանի, եփել մոտ 20 րոպե մինչև փափկի: Լցնել մաղի վրա, թող հեղուկը քամվի:
_Ձուն հարել մաղած ալյուրով և աղով: Մածունն ու թթվասերը խառնել հաստ հատակով կաթսայի մեջ, ավելացնել ձվի խառնուրդը և հարել մինչև միատարր զանգված ստացվի: Ավելացնել խաշած ձավարը:
_Ստացված զանգվածը ջրիկացնել 2–2,5 բաժակ սառը ջրով (ջրի քանակը կախված է մածունի թանձրությունից)՝ այն աստիճանաբար լցնելով կաթսայի մեջ: Արդյունքում, ստացված զանգվածը չպետք է լինի ոչ շատ թանձր, ոչ էլ շատ ջրիկ:
_Դնել կաթսան մարմանդ կրակի վրա և եռացնել՝ հաճախ խառնելով: Հենց որ խառնուրդը սկսի տաքանալ, անընդհատ խառնեք այն, որպեսզի չկտրվի: Երբ սկսի եռալ, կրակը նվազեցրեք մինչև ամենացածրը և եփել 15-20 րոպե, երբեմն խառնելով:
_Մինչ ապուրը եփվում է, ցանկության դեպքում պատրաստեք սոխեռածը. Սոխը մանր կտրատել, յուղը հալեցնել տապակի մեջ, լցնել սոխը, տապակել, երբեմն խառնելով, մինչև ոսկե դարչնագույնը, 15 րոպե:
_Համեմի և անանուխի տերևները մանր կտրատել: Լցնել տաք սպասը ամանների մեջ, լցնել մի քիչ սոխեռած, ցանել կանաչիներ և անմիջապես մատուցել:
Համեղ սպասը պատրաստ է:
Բարի ախորժակ
Տեսանյութ
Հայկական սպաս
