Ջեռոցում թխած հավի կրծքամիսը միշտ հիանալի ընտրություն է նուրբ, ցածր յուղայնությամբ հիմնական ճաշատեսակի համար:
Այս բաղադրատոմսով պատրաստված հավի միսը շատ հյութալի և համեղ է ստացվում՝ լավ ընտրված համեմունքներով և դրանց համակցություններով։ Այս կերակուրը կարելի է պատրաստել ցանկացած սեղանի համար։
Հավի կրծքամիսը ջեռոցում. Անհրաժեշտ բաղադրիչները
_Հավի կրծքամիս — 2 հատ
_Կոշտ պանիր (լավագույնն է պարմեզանը) — 70 գ
_Չորահացի փշրանքներ — 3 ճաշի գդալ
_Ձու — 1 հատ
_Տոմատի հյութ — 400-500 գ
_Սոխ — 2 փոքր գլուխ
_Սխտոր — 2 պճեղ
_Մոցարելլա — 125 գ
_Աղացած պղպեղ, աղ — ըստ ճաշակի
_Ձեր նախընտրած համեմունքների փունջը
Հավի կրծքամիս ջեռոցում. Պատրաստման եղանակը
_Հավի կրծքամիսը կտրել երկայնքով, ծածկել թաղանթով և մի փոքր ծեծել։ Համեմել աղով, պղպեղով, շաղ տալ չոր համեմունքները։
_Կոշտ պանիրը քերել, խառնել չորահացի փշրանքների հետ։ Ձուն հարել պատառաքաղով։
_Կրծքամիսը երկու կողմից թաթախել հարած ձվի մեջ, այնուհետև դնել տապակի վրա և թխել 15 րոպե 200 աստիճան ջերմաստիճանում։
_Այդ ընթացքում սոխը կտրատել փոքր խորանարդիկներով և տապակել բուսայուղի մեջ, մինչև թափանցիկ լինի։ Ավելացնել մանր կտրատած սխտորը, տապակել ևս 1 րոպե։
_Լցնել լոլիկի հյութը, եռացնել սոուսը մինչև թանձրանա։ Ավելացնել համեմունքներ, աղ և պղպեղ՝ ըստ ճաշակի։
_Կրծքամիսը հանել ջեռոցից, վրան լցնել լոլիկի սոուսն ու ցանել մանր կտրատած մոցարելլա։
_Թխել ևս 7-10 րոպե 200 աստիճան ջերմաստիճանում։
Հավի միսը ջեռոցում պատրաստ է: Կանչեք բոլորին սեղանի մոտ և պատրաստվեք լսել հաճոյախոսություններ:
Բարի ախորժակ: