Հավի մսով աղցան պատրաստեք, եթե սիրում եք հավով և ձվով կամ բանջարեղենով աղցաններ: Դրանք միշտ շահեկան և շատ համեղ տարբերակ են։
Ներկայացնում ենք համեղ և հագեցնող աղցանի պարզ, բայց շատ օրիգինալ բաղադրատոմս: Բաղադրության մեջ մտնող եգիպտացորենի շնորհիվ այն կարող եք մատուցել նույնիսկ որպես կողմնակի ճաշատեսակ:
Հավի մսով աղցան. Անհրաժեշտ բաղադրիչները
_ հավի կրծքամիս 1 հատ
_ ձու 4 հատ
_ վարունգ 1 հատ
_ սոխ 1 հատ
_ 1 փունջ մաղադանոս
_ պահածոյացված եգիպտացորեն 170 գ
_ մայոնեզ, աղ և պղպեղ ըստ ճաշակի
Սոխի մարինադի համար անհրաժեշտ է
_ աղ 0,5 ճաշի գդալ
_ շաքարավազ 2 ճաշի գդալ
_ քացախ 3 ճաշի գդալ
_ ջուր 150 մլ
Հավի մսով աղցան. Պատրաստման եղանակը
_Սոխը կտրատել բարակ կիսօղակներով կամ ինչպես ցանկանում ենք աղցանների մեջ լցնելու համար և մարինացնել մարինադի մեջ, որի համար պետք է նախապես խառնել բոլոր բաղադրիչները։
_Խաշած ձվերը կտրատել խորանարդիկներով։
_Թարմ վարունգը նույնպես կտրատել խորանարդիկներով։
_Հավի միսը եփել աղ արած ջրի մեջ՝ համեմունքներով, սառելուց հետո կտրատել խորանարդիկներով։
_Միսը, ձուն, մանրացրած մաղադանոսը և եգիպտացորենը խառնել, սոխը քամել և ավելացնել աղցանին։
_Կարող եք պարզապես աղցանին ավելացնել մայոնեզ, կամ այն խառնել մի քիչ քաղցր մանանեխի հետ և ավելացնել այս սոուսը։ Ի դեպ, որպես սոուսի հիմք կարելի է բնական և թանձր մածուն վերցնել։
Աղցանն անմիջապես մատուցեք սեղանին կամ թողեք սառնարանում 30 րոպե, նոր մատուցեք։
Համեղ աղցանի հիանալի և հեշտ բաղադրատոմս, որով կարող եք պատրաստել ճաշի և ընթրիքի համար կամ զարմացնել հյուրերին ընտանեկան հանդիպման ժամանակ:
Բարի ախորժակ:
Տեսանյութ
Հավի մսով աղցան
