Երբեք չէի մտածի, որ հավի պաշտետը կարող է այնքան հիասքանչ լինել: Կարծիքս փոխվեց միայն այն փորձելուց հետո:
Այդպիսի նուրբ, հալչող, անմոռանալի համն ինձ ստիպեց հաճույքից փակել աչքերս։ Իսկ ամենամեծ առավելություններից է այն, որ պաշտետը պատրաստվում է արագ և գեղեցիկ մատուցվում սեղանին։
Հավի պաշտետ. Անհրաժեշտ բաղադրիչները
_Հավի միս 400 գր
_Կարագ 100 գր + 10 գր
_Հալած պանիր 200 գր (2 տուփ)
_Աղ, համեմունքներ՝ ըստ ճաշակի
_Սամիթ՝ ըստ ճաշակի
_Միջին չափի սոխ 1 հատ
Հավի պաշտետ. Պատրաստման եղանակը
_Եփել հավի միսը (ցանկացած մաս), առանց ոսկորների։
_Կտրել սոխը խորանարդներով և տապակել կարագի մեջ՝ մինչև ոսկե դարչնագույնը:
_Լավ եփած հավի միսը, տապակած սոխը և հալած պանիրը բլենդերով մանրացնել։
_Եթե բլենդեր չունեք, հավի միսն ու տապակած սոխը կարելի է անցկացնել մսաղացով, իսկ հալած պանիրը մանր քերիչով քերել։
_Ավելացնել մանր քերիչով քերած սառեցրած կարագը։
_Սամիթը մանր կտրատել և ավելացնել զանգվածին։
_Աղ անել ըստ ճաշակի, ցանել աղացած սև պղպեղ և մեկ գրամ մշկընկույզ։
Ամեն ինչ մանրակրկիտ խառնել, լցնել գեղեցիկ ապակե տարայի մեջ և դնել սեղանին:
Բարի ախորժակ:
