Հավով աղցան խորտիկը ոչ միայն շատ համեղ է, այլ նաև գեղեցիկ։ Գրեթե միշտ տոնական սեղանի համար այսպիսի շքեղ ուտեստ եմ պատրաստում։
Այն ունի մսի և սնկի սոուսի կատարյալ համադրություն՝ վառ սերուցքային համով և բույրով։
Հավով աղցան խորտիկ. Անհրաժեշտ բաղադրիչները
_Հավ 500 գր
_Սերուցք 200 — 250 գր
_Ձու 1 հատ
_Սոխ 1 հատ
_Մաղադանոս մի փունջ
_Հալած փափուկ պանիր 200 գր
_Շամպինիոններ 300 գր
_Կարագ 30 — 50 գր
_Սխտոր 1-2 հատ
_Աղ, պղպեղ՝ ըստ ճաշակի
_Համեմունքներ հավի համար՝ ըստ ճաշակի
Հավով աղցան խորտիկ. Պատրաստման եղանակը
_Վերցնել հավի ցանկացած մասի միս և աղալ մսաղացով:
_Միսը համեմել աղով, պղպեղով և համեմունքներով, ավելացնել ձուն, խառնել։
_Սառը սերուցքը լցնել մասերով, լավ խառնել, ստացվում է թանձր զանգված, ինչպես խմորը նրբաբլիթի համար։
_Ավելացնել մանրացված կանաչի:
_Ձևամանը ծածկել յուղաթղթով և զանգվածը լցնել, հարթեցնել։
_Թխել 180 աստիճանով մոտ 5 րոպե։
_Սունկը մանր կտրատել՝ մի քանի կտոր թողնելով զարդարելու համար։
_Կտրատած սունկը տապակել քիչ քանակությամբ բուսական յուղով։
_Կարագը հալեցնել տապակի մեջ և տապակել սոխը մինչև կիսաթափանցիկ 2-3 րոպե:
_Ավելացնել սունկը և տապակել մինչև հեղուկը գոլորշիանա։
_Սունկը հովացնել սոխով և ըստ ճաշակի խառնել փափուկ պանրի, աղի և պղպեղի հետ, ավելացնել մանր կտրատած սխտորը։
_Շերտը մեջտեղից կիսել 2 մասի։
_Մի մասի վրա քսել միջուկը, երկրորդով ծածկել և երեսին միջուկի երկրորդ մասը քսել։
_Կարելի է 30 րոպեով դնել սառնարանը կամ անմիջապես կտրատել փոքր կտորներով, զարդարել սնկով և նորից դնել սառնարանում։
Բարդ ոչինչ չկա, և արագ է պատրաստվում այս գեղեցիկ և համեղ ուտեստը։
Բարի ախորժակ:
Տեսանյութ
Շատ շքեղ համով սմբուկով աղցան
