Ես այսօր ուզում եմ ձեզ հետ կիսվել հավով երշիկի բաղադրատոմսով: Տնական հավի երշիկը պատրաստվում է արագ և հեշտ: Նախուտեստը կլինի խանութից գնվածի ճշգրիտ պատճենը, միայն ամբողջությամբ բնական մթերքներից:
Հավով երշիկ. Անհրաժեշտ բաղադրիչները
_Հավի կրծքամիս 500 գր
_Ձու 1 հատ
_Կաթ 200 մլ
_Սխտոր 2 պճեղ
_Աղ 1 թեյի գդալ
_Պղպեղ 1 թեյի գդալ
_Հավի համեմունք 1 թեյի գդալ
_Պանիր 100 գր
Հավով երշիկ. Պատրաստման եղանակը
_Միսը և սխտորները լավ մանրացնել բլենդերով:
_Ավելացնել ձուն, աղը և բոլոր համեմունքները, լցնել կաթը և նորից խառնել զանգվածը մինչև հարթվի:
Հուշում. Երշիկը բնական գույն տալու համար կարող եք ճակնդեղի հյութ լցնել զանգվածի մեջ, այնուհետև այն կստանա իր սովորական գույնը:
_Աղացած մսին ավելացնել քերած պանիրը, խառնել մինչև հարթվի:
_Մի քանի շերտով ծալված սննդային թաղանթը փռել սեղանին, վրան դնել աղացած միսը երշիկի տեսքով և ամուր ոլորել և ծայրերը կապել:
_Փաթաթել փայլաթիթեղի մի քանի շերտով:
_Երշիկը դնել տապակի մեջ, լցնել տաք ջուր և եփել կափարիչով ծածկված՝ 40 րոպե, թույլ կրակի վրա:
_Հեռացնել փայլաթիթեղը և թաղանթը, սառեցնել, նորից փաթաթել թաղանթով և մի քանի ժամով դնել սառնարանը, որպեսզի երշիկը լավ սառչի:
Ստացվում է շատ համեղ և բնական ուտեստ, որը բոլորը, առանց բացառության, սիրում են, և երեխաները հաճույքով են ուտում:
Բարի ախորժակ:
Տեսանյութ
Հավով ռուլետ
