Հումուս` ջեռոցում թխած սխտորով. Ավանդական ուտեստի հետաքրքիր տարբերակ
Ջեռոցում ամբողջական թխած սխտորը շատ ծանոթ բաղադրատոմսեր թարմացնելու պարզ և համեղ միջոց է: Երբ ջեռոցում դանդաղորեն եփում են, սխտորը կարամելացվում է և կորցնում է իր համի բնորոշ սրությունը՝ ձեռք բերելով փափուկ, հարուստ համ, որը թխած սխտորը դարձնում է գրեթե ամեն ինչի հիանալի հավելում: Քանի որ բանջարեղենը նաև լավ փափկում է, այն շատ հարմար ավելացնել սոուսների մեջ և անգամ հացին քսել:
Օրինակ, թխած սխտորը կարող է հաջողությամբ փոխարինել հումուսում քնջութի մածուկը: Միևնույն ժամանակ, ուտեստը ձեռք է բերում հարուստ սխտորի նոտա, որը չի կորցնում մնացած բաղադրիչների համը: Դուք կարող եք թխած սխտորով հումուս պատրաստել հյուրերի համար, ովքեր չեն փորձել ավանդական հումուս կամ նրանց համար, ովքեր պարզապես ուտեստների մեջ քնջութ չեն սիրում:
Հումուս` ջեռոցում թխած սխտորով. Անհրաժեշտ բաղադրիչները
- Սխտոր 20 պճեղ
- Սիսեռ 430 գ
- Կիտրոն 0,5 ճաշի գդալ
- Ձիթապտղի յուղ 1 ճաշի գդալ
- Ուրց 0.5 ճաշի գդալ
- Մաղադանոս ըստ համտեսի
Հումուս` ջեռոցում թխած սխտորով. Պատրաստման եղանակը
- Սխտորի գլխիկները կտրել, վրան լցնել ձիթայուղ, թեթև աղ անել և փաթեթավորել փայլաթիթեղի մեջ: Թխել նախապես 200 աստիճանով տաքացված ջեռոցում 30 րոպե:
- Խոհանոցային կոմբայնի, կամ բլենդերի մեջ լցնել լավ եփված սիսեռը, լցնել ձիթայուղ, ավելացնել թխած սխտորը, կիտրոնի հյութը, աղը և ուրցը: Խառնել բոլոր բաղադրիչները մինչև համասեռ զանգված դառնա:
Հումուս` ջեռոցում թխած սխտորով պատրաստ է, կարելի է մատուցել տնական հումուսը մանր կտրատած մաղադանոսով, տաք լավաշով, լավաշի չիփսով, չորահացով կամ բանջարեղենով: Խորտիկը կարող է պահվել մինչև երեք օր սառնարանում, ամուր փակված կոնտեյներով:
Բարի ախորժակ:
