Ողջույն այսօր պատրաստելու ենք Հումուս, ինչպես նաև թահին՝ քունջութի մածուկ, տնային պայմաններում մեր ձեռքերով։ Հումուսը իր օգտակարությամբ և համով հայտնի նախուտեստ է, հատկապես պահքի շրջանում չէինք կարող այն շրջանցել։
Թահին Բաղադրիչներ
_Քունջութ — 300 գր․
_Զեյթունի ձիթայուղ — 50 գր․
_Աղ
Հումուս Բաղադրիչներ
_Սիսեռ — 400 գր․
_Սխտոր — 3 ատամ
_Չիլի կծու պղպեղ փոշի — 0․5 թ․ գդ․
_Քաղցր կարմիր պղպեղ — 3 թ․ գդ․
_Սև կծու պղպեղ փոշի մի փոքր
_Կիտրոն -1 փոքր թարմ ճզմած
_Թահին — Քունջութի մածուկ — 2-3 ճաշի գդալ
Թահին և Հումուս․ Պատրաստման հաջորդականությունը
_Նախ թահին կպատրաստենք, որի համար քունջութը կլցնենք տաք տապակի մեջ և կբովենք
_Թահինը կամ թահինան քունջութի մածուկն է, խտացված կալցիում կարելի է ասել, այն վաճառվում է իհարկե արդեն պատրաստի վիճակում, բայց այսպես տնական ավելի մատչելի կստացվի, համոզված եմ նաև ավելի համեղ
_Թեթև վարդագույնը բավարար է
_Մինչ կսառչի այն, մենք չորահաց կպատրաստենք հումուսի համար, այն սովորաբար լավաշի կամ հացի կտրոներով են մատուցում
_Քառակուսի մանրացնենք մեր հացի երկու շերտ և քունջութին փոխարինենք թավայի մեջ հացի կտորիկներով
_Կրակին դնենք վրան աղ և պղպեղ ցանենք, ինչպես նաև ձիթայուղ շաղ տանք, մեկ երկու րոպե տապակենք և վերջ, վերցնենք կրակից
_Քունջութը արդեն սառել է, այն լցնենք հարիչի մեջ, վրան աղ ցանենք և բարձր արագությամբ հարենք
_Երբ խյուսի վերածվի կավելացնենք զեյթունի ձիթայուղ, որքան բարձրորակ, այնքան համեղ, մի փոքր հարեցինք և արդեն ստացանք բոված քուջութի անուշաբույրով թարմ տնական թահին, որը կարելի է և ապակյա տարայում սառնարանում մոտ մեկ ամիս պահել և օգտագործել տարբեր աղցանների սոուսների համար
_Տարան հենց այսպես էլ կօգտագործենք, քանի որ թահինը մեր հումուսի բաղադրիչներից մեկն է
_Այժմ հարիչի մեջ լցնենք 3 ատամ սխտոր
_Նախապես խաշած սիսեռը, ես կեղևները չեմ հեռացնում, թեպետ այդպես ասում են ավելի նուրբ և համаսեռ է ստացվում, բայց ես նախընտրում եմ առավել օգտակար տարբերակը
_Կավելացնենք չիլի կծու պղպեղի փոշի կես թեյի գդալ, թեթևակի կծվության համար
_Քաղցր կարմիր պղպեղ 3 թեյի գդալ, այն հաճելի գույն և համ կտա մեր հումուսին
_Մեկ թեյի գդալ, նոսր իհարկե ,աղ կավելացնենք
_Մի փոքր էլ սև կծու պղպեղ
_Կես կիտրոնը ծակծկենք և թարմ քամենք այս զանգվածի վրա, եթե թթվաշ համը ավելի հաճելի է ձեզ, կարող եք մեկ ամբողջ լիմոն ճզմել
_Առավել փափուկ և միատարր հումուս ստանալու համար հարկավոր է ավելացնել կես բաժակ եփած սառեցրած ջուր, հարելու ընթացքում եթե կարիք կա կարելի և մի փոքր էլ ավելացնել
_Այժմ հարենք մեծ արագության տակ, ընթացքում մի փոքր ջուր ավելացնենք, քանի որ երևում է, որ պինդ է խյուսը
_Հումուսը պարունակում է մեծ քանակությամբ որոկյալ բուսական թաղանթանյութ, չհագեցած ճարպեր, սպիտակուցներ, երկաթ, շատ շատ օգտակար է
_Մի քանի րոպե անց կավելացնենք մեր ձեռքով պատրաստած թահինը, նաև ձիտապտղի ձեթ և կրկին կհարենք
_Հումուս բառը արաբերեն նշանակում է հենց սիսեռ, որից էլ նախուտեստն իր անունն է ստացել
_Եթե լրիվությամբ տարրալուծվել են բաղադրիչները, ուրեմն վերջ պատրաստ է մեր նախուտեստը
_Մնում է այն լցնենք աղցանամանի մեջ, կրկին առատ ձիթայուղ ավելացնենք վրան, մեր չորահացը շարենք կողքերը, մի քանի սիսեռի հատիկ էլ կենտրոնում և կանաչի զարդարման համար բավական է
_Զարդարանքն ու մատուցումը արդեն ըստ ձեր ճաշակի
_Ասեմ ընթացքում չդիմացա համտեսեցի, նման համեղ հումուս երևի թե երբևէ ոչ մի տեղ դեռ չէի համտեսել, իսկապես մի հրաշք հագեցած համ, որը պետք է անպայման պատրաստեք և ինքներդ համոզվեք
Նման համեղ Հումուս երբևէ չէի կերել․ Թահին էլ ենք Պատրաստում մեր ձեռքերով․ Դիտեք Տեսանյութը
Դե ինչ, բարի ախորժակ:
