Հրաշալի աղցան չորահացով և երշիկով. Վստահ եմ, կպատրաստեք ամեն առիթով

Առաջին անգամ հարազատներիս հետ փորձեցի Հրաշալի աղցան չորահացով և երշիկով, դրանից հետո ինքս սկսեցի պատրաստել։

Այժմ ես պատրաստում եմ այս երշիկով և եգիպտացորենի աղցանը, երբ հնարավորություն ունենամ: Դրա մեջ բոլոր բաղադրիչները մատչելի են, իսկ պատրաստելը դժվար չէ։ Բայց այս նախուտեստը կարելի է հպարտորեն դնել տոնական սեղանին։ Աղցանը ոչ միայն համեղ է, այլև շատ ախորժելի։

Աղցանը պատրաստելու համար հարկավոր է սոխը նախապես մարինացնել։ Այդպես այն դառը չի լինի: Սոխը թթու եմ դնում միայն քացախի մեջ, բայց, եթե ​​ցանկանում եք ավելի չեզոք համ ունենալ, ապա քացախը հավասար քանակի ջրով նոսրացրեք։

Հրաշալի աղցան չորահացով և երշիկով. Բաղադրիչներ

_Սոխ 2 հատ

_Քացախ 150 մլ

_Ձու 3 հատ

_Կաթ 3 ճաշի գդալ

_Ապխտած երշիկ 250 գ

_Կոշտ պանիր 100 գ

_Մարինացված վարունգ 100 գ

_Պահածոյացված եգիպտացորեն 4 ճաշի գդալ

_Մայոնեզ 200 գ

_Տարեկանի չորահաց 50 գ

_Կանաչիներ՝ ըստ ճաշակի

_Աղ՝ ըստ ճաշակի

_Սև պղպեղ (աղացած)՝ ըստ ճաշակի

_Արևածաղկի ձեթ՝ ըստ ճաշակի

Հրաշալի աղցան չորահացով և երշիկով. Պատրաստման եղանակը

_Առաջին հերթին սոխը թթու դնել։ Կտրել բարակ կես օղակներով, լցնել քացախի մեջ:

_1 ձուն խառնել 1 ճաշի գդալ կաթի հետ, աղ անել:

_Տապակը յուղել արևածաղկի ձեթով և տապակել նրբաբլիթը։ Նույն կերպ տապակել ևս 2 նրբաբլիթ։

_Նրբաբլիթները ռուլետի նման փաթաթել գրտնակել և շերտերով կտրատել։

_Բլիթները, կտրատած երշիկը, վարունգն ու պանիրը, սոխն ու եգիպտացորենը խառնում ենք։ Աղցանին ավելացնել մայոնեզ և խառնել։

_Աղ և պղպեղ անել, համտեսել և լավ խառնել։

_Մատուցելուց առաջ աղցանի մեջ լցնել չորահացերը և կտրատած կանաչիները:

Ցանկության դեպքում թթու վարունգը կարող եք փոխարինել մարինացվածով, իսկ նրբերշիկը ապխտած մսով կամ այլ մսամթերքով։
Խորհուրդ եմ տալիս օգտագործել տնական մայոնեզ աղցանների համար: Բայց կարող եք օգտագործել թթվասեր կամ նույնիսկ մածուն:
Վստահեցնում եմ, որ այն մեկ անգամ համտեսելուց հետո պարբերաբար երշիկով և վարունգով աղցան կպատրաստեք:

Բարի ախորժակ:

Տեսանյութ