Հումուս. Այս նախուտեստը կարող է զարդարել ցանկացած տոնական սեղան: Բայց եթե սկսեք այն պատրաստել, կհամոզվեք, որ այն իր սննդարարությամբ ու ախորժելիությամբ արժանի է թեկուզ ամեն օր լինել սննդակարգի բաղկացուցիչ մաս:
Սպիտակուցային արժեքով այս նախուտեստը համարժեք է մսին: Այնպես որ մի կասկածեք, ուղղակի սկսեք պատրաստել:
Հրեական հումուս. Անհրաժեշտ բաղադրիչները
_Սիսեռ — 150 գ
_Ջուր — 1 լ
_Աղ — 2 պտղունց
_Ձիթապտղի յուղ — 50 մլ + 1 ճաշի գդալ
_Կիտրոնի հյութ — 1 ճաշի գդալ
_Կարմիր պղպեղ
_Սև պղպեղ
_Սխտոր — 2 պճեղ
_Թահին — 1,5 ճաշի գդալ
Հրեական հումուս. Պատրաստման եղանակը
_Նախապես ջրի մեջ թրջել սիսեռները, որ լավ ներծծի խոնավությունը:
_Լավ եփել սիսեռը, մինչև լիովին փափկի (մոտ 2-3,5 ժամ):
_Թողեք, որ հատիկները սառչեն սենյակային ջերմաստիճանում կամ եթե ժամանակի խնդիր կա` օգտագործեք սառույց:
_Լցնել բոլոր բաղադրիչները սիսեռի վրա:
_Հարեք ամենը բլենդերով:
_Մատուցել լավաշի, հացի, կամ հատուկ պատրաստված բլիթների հետ:
Շատ համեղ նախուտեստ է, որը ձեզ հաստատ դուր կգա, անգամ եթե սիսեռի սիրահար չեք:
Այժմ մենք բացահայտեցինք սիսեռով անչափ համեղ Հումուսի պատրաստելու գաղտնիքը: Արևելյան խոհանոցի այս ուտեստը հարմար է բուսակերների և ծոմապահության համար:
Հրեական Հումուսը համեղ նախուտեստ է, որը մատուցվում է լավաշով, բլիթներով կամ հացով: Եթե չեք փորձել, երբևէ, ապա հիմա ժամանակն է, որ այն պատրաստեք:
Այս բաղադրատոմսը ոչ մեկին անտարբեր չի թողնում:
Բարի ախորժակ բոլորին:
Հնարավոր է նաև հետաքրքրի Թահինի պատրաստումը և հումուսի պատրաստման այս տարբերակը
