Ձվածեղով աղցան. Ամենօրյա հագեցնող ախորժելի ուտեստ

Այս Ձվածեղով աղցանը կարող եք պատրաստել ամբողջ տարին, բայց երբ արդեն թարմ բանջարեղենի սեզոն է, խորհուրդ եմ տալիս անպայման պատրաստել այն։

Բավականին համեղ, շատ ախորժելի աղցան է ստացվում, որը կարելի է մատուցել ճաշին, ընթրիքին, տոնական սեղանին։

Ձվածեղով աղցան. Անհրաժեշտ բաղադրիչները

_Կաղամբ 150 գր

_Թարմ վարունգ 1 հատ

_Պահածոյացված եգիպտացորեն 4 ճաշի գդալ

_Խոզապուխտ 300 գր

_Հավի եփած կրծքամիս 1 հատ

_Ձու 3 հատ

_Աղ, պղպեղ, մայոնեզ՝ ըստ ճաշակի

Ձվածեղով աղցան. Պատրաստման եղանակը

_Կաղամբը մանր կտրատել։

_Վարունգը կտրատել բարակ շերտերով։

_Բարակ շերտերով կտրատել նաև խոզապուխտը կամ ապխտած երշիկը։

_Հատ-հատ ձվերին աղ անել և հարել, մինչև հարթ լինի և մեկական տապակել տաք թավայի մեջ՝ քիչ քանակությամբ բուսայուղով։

_Ձվածեղը թողնել սառչի, փաթաթել և բարակ շերտերով կտրել:

_Հավի միսը պետք է նախապես եփել աղ արած և համեմունքներ ավելացրած ջրի մեջ: Սառելուց հետո մանր կտրատել։

_Քամել եգիպտացորենը մարինադից:

_Խառնել բոլոր բաղադրիչները, համեմել մայոնեզով ըստ ճաշակի և դնել սառնարանը 30 — 50 րոպե:

Աղցանը շատ հագեցնող է ստացվում, կարելի է մատուցել թխած կարտոֆիլի հետ, կարելի է օգտագործել նույնիսկ որպես առանձին ճաշատեսակ։

Բարի ախորժակ:

Տեսանյութ

Թարմ կաղամբով աղցան