Ճակնդեղի աջիկա. Համեղ սոուս, որը համերի փունջ կավելացնի ձեր ուտեստներին
Ընդհանուր առմամբ աջիկան աղացած բանջարեղենի և համեմունքների կծու խառնուրդ է: Այդ պահածոն երբեմն մատուցում են որպես սոուս մսեղենի համար, որոշ դեպքերում աջիկան օգտագործվում է որպես մարինադ:
Մենք առաջարկում ենք այս համեղ պահածոյի նոր մեկնաբանությունը. Եկեք պատրաստենք աջիկա ճակնդեղով: Այս բանջարեղենը լավ է համակցվում մսի հետ և նույնիսկ ավելացվում է շվեդական կոտլետներին:
Ճակնդեղի սոուսը ոչ միայն ախորժելի գույն ունի, այլև անզուգական հատկություն` ծանոթ մսամթերքի համը բացահայտելու համար: Ձմռան համար նախապատրաստված աջիկայի բոլոր բաղադրատոմսերից այս մեկն արժանի է առաջին տեղին:
Ճակնդեղի աջիկա. Անհրաժեշտ բաղադրիչները
- ճակնդեղ 2 կգ
- լոլիկ 3 կգ
- բուլղարական պղպեղ 12 հատ
- սխտոր 3 գլուխ
- չիլի պղպեղ 10 հատ
- արևածաղկի ձեթ 0,5 բաժակ
- քացախ 0,5 բաժակ
- շաքար 3 ճաշի գդալ
- աղ` ըստ ճաշակի
Ճակնդեղի աջիկա. Պատրաստման եղանակը
- Լվանալ և չորացնել բոլոր բաղադրիչները: Կճպել ճակնդեղը և սխտորը: Կտրատել բանջարեղենը այնպիսի կտորներով, որոնք կարելի է հարմար կերպով անցկացնել մսաղացով:
- Բանջարեղենը մանրացնել, ավելացնել բուսական յուղը, 9% քացախը, շաքարն ու աղը:
- 40 րոպե եփել, այնուհետև լցնել ստերիլիզացված բանկաների մեջ, փակել կափարիչներով, շրջել գլխիվայր և փաթաթել տաք ծածկոցով:
Կախված բանջարեղենի հյութեղությունից` այս քանակի մթերքներից ստացվում է մոտ 8 հատ 1 լիտրանոց բանկայով աջիկա: Ձմռանն ինքներդ ձեզ շնորհակալ կլինեք այս պահածոյի համար, այնպես որ բաղադրատոմսն անպայման պահպանեք:
Ճակնդեղի աջիկան պատրաստ է:
Բարի ախորժակ:
Տեսանյութ
Համեղ ՍՈՈՒՍ Մսային Ուտեստների համար․ Խորովածի, խոզի բդի, մսեղենի թարմ սոուս
