Ճակնդեղի մարինադ հունական եղանակով, Հետաքրքիր համով առողջարար նախուտեստ:
Մեր ընտանիքում բոլորը սիրում են ճակնդեղով աղցան, անգամ երեխաները: Այնպես որ հաճախ մի մեծ ճակնդեղ եմ դնում կաթսայում առավոտյան, դանդաղ եփելու համար, իսկ երեկոյան օգտակար լրացումը կարտոֆիլի պյուրեին կամ բրնձին արդեն պատրաստ կլինի: Քերած բազուկին սոխ և աղ եմ ավելացնում, վրան լցնում բուսայուղ:
Այնուամենայնիվ, դասական աղցաններն արդեն մի փոքր հոգնեցրել են, և ես որոշեցի ճակնդեղով նոր բաղադրատոմսեր փնտրել, բայց այնպիսիք, որ այն արագ պատրաստվի և համեղ լինի:
Ես կանգ առա հունական խոհանոցի վրա և գտա թթու դրած ճակնդեղի մի հետաքրքիր նախուտեստ: Առաջինը, որ ինձ գրավեց, կերակրատեսակը մի քանի օր սառնարանում պահելու հնարավորությունն էր (այս հնարքը սովորական աղցանի դեպքում անհնար է):
Ճակնդեղը չափավոր կծու է, ունի հաճելի սուտակե գույն և քաղցր և թթու նուրբ համ: Փորձեք պատրաստել:
Ճակնդեղի մարինադ. Անհրաժեշտ բաղադրիչները
- ճակնդեղ 400 գ
- դափնու տերև 1 հատ
- սև պղպեղ (ոլոռ) 4 հատ
- բուրավետ պղպեղ 4 հատ
- աղ 1 պտղունց
- շաքար 1 պտղունց
- խնձորի քացախ 50 մլ
- ջուր 150 մլ
Ճակնդեղի մարինադ. Պատրաստման եղանակը
- Եփել ճակնդեղը (եթե ժամանակ չկա, կարող եք օգտագործել միկրոալիքային վառարանը) կամ թխել փայլաթիթեղի մեջ, մինչև որ փափկի:
- Մաքրել և կտրատել պատրաստի ճակնդեղը խոշոր, համաչափ կտորներով:
- Կաթսայով ջուրը դնել կրակին, ավելացնել աղ, շաքար, քացախ, դափնու տերև և պղպեղի երկու տեսակները: Խառնել, հասցնել եռման և հեռացնել կրակից:
- Մարինադը լցնել ճակնդեղի վրա, ծածկել և թող մնա այդպես, մինչև սառչի: Հաջորդ օրը ուտեստը պատրաստ կլինի: Կարող եք այն սառնարանում պահել 3-4 օր:
Խորհուրդ. Մատուցելուց առաջ ճակնդեղի վրա լցնել սոխ, որը պետք է կտրատել մեծ օղակներով: Դա կերակրատեսակին կտա թեթև համ: Այս աղցանը հատկապես հաճելի է մատուցել կարտոֆիլի պյուրեով և ծովատառեխով:
Ճակնդեղի մարինադը հունական եղանակով պատրաստ է:
Բարի ախորժակ: