Կան բազմաթիվ եղանակներ Ճակնդեղով աղցան պատրաստելու համար: Աղցանի մեջ ճակնդեղը հաջողությամբ կարելի է համադրել այլ առողջարար մթերքների հետ և համեմել ձիթապտղի յուղով՝ ավելի լավ ներծծվելու համար։
Սովորական ճակնդեղը, որին մենք բոլորս սովոր ենք, արտասովոր բուժիչ հատկություններ ունի։ Ի դեպ, այն օգտակար է ինչպես հում, այնպես էլ խաշած վիճակում։ Այն բուժում է վահանաձև գեղձի հիվանդությունները, կանխում է թրոմբների առաջացումը, վերականգնում է աղիների միկրոֆլորան և բարելավում իմունիտետը։ Եվ ամենակարևորը՝ այս բանջարեղենը զարմանալի համ ունի։
Ծանոթացեք այս զարմանալի աղցանի բաղադրատոմսին, շատ համեղ է ստացվում:
Ճակնդեղով աղցան. Բաղադրիչներ
_Ճակնդեղ 4–5 հատ
_Բալզամիկ քացախ 1 ճաշի գդալ
_Սխտոր 1-2 պճեղ
_Նարինջ 0,5 հատ
_Ձիթապտղի յուղ 5 ճաշի գդալ
_Կանաչիներ՝ ըստ ճաշակի
_Սև պղպեղ (աղացած)՝ ըստ ճաշակի
_Աղ՝ ըստ ճաշակի
Ճակնդեղով աղցան. Պատրաստման եղանակը
_Եփել ճակնդեղը սովորականի պես։ Մաքրելուց հետո կտրել փոքր խորանարդիկներով:
_Կանաչիներն ու սխտորը մանրացնել, պատրաստել սոուսը՝ խառնել կես նարնջի հյութը, ձիթապտղի յուղը և բալզամիկ քացախը։
_Խառնել մանրացված ճակնդեղը կանաչիների և սխտորի հետ։
_Աղցանի վրա ավելացնել քաղցր- կծու ախորժելի սոուսը: Աղ և պղպեղ անել:
Այս առողջարար աղցանը դուր կգա նույնիսկ նրանց, ովքեր ճակնդեղ չեն սիրում։ Ցանկության դեպքում աղցանին կարելի է ավելացնել մանրացված ընկույզ։ Այն այնքան համեղ կստացվի, որ անհնար կլինի դրանից կշտանալ։
Բարի ախորժակ: