Եթե ցանկանում եք ինչ-որ նոր և օրիգինալ բան պատրաստել, խորհուրդ եմ տալիս փորձել այս բաղադրատոմսը՝ Ճակնդեղով և կաթնաշոռով ջեռեփուկ։
Ճակնդեղով ջեռեփուկ պատրաստելու համար պետք է ընդամենը այն քերել ու խառնել կաթնաշոռի հետ:
Ճակնդեղով և կաթնաշոռով ջեռեփուկ. Անհրաժեշտ բաղադրիչները
_ խաշած ճակնդեղ 3 հատ
_ կաթնաշոռ 400 գ
_ թթվասեր 100 գ
_ սպիտակաձավար 2 ճաշի գդալ
_ ձու 2 հատ
_ 1 պտղունց աղ
Ճակնդեղով և կաթնաշոռով ջեռեփուկ. Պատրաստման եղանակը
_ Կաթնաշոռը խառնել ցանկացած յուղայնությամբ թթվասերի և ձվի հետ։
_ Լցնել երկու լիքը ճաշի գդալ սպիտակաձավար, աղ անել և զանգվածը խառնել մինչև հարթ լինի։
_ Թողնել 15 րոպե, որպեսզի ձավարը լավ ուռչի։
_ Քերել ճակնդեղը խոշոր քերիչով և լավ խառնել կաթնաշոռի զանգվածի հետ։
_ Վերցնել բարձր կողքերով փոքրիկ ձևաման, զանգվածը լցնել մեջը, հարթեցնել։
_Ձևամանը դնել նախապես 180 աստիճան տաքացրած ջեռոցը և թխել մոտ 20 րոպե, բայց ժամանակը կախված է ձեր ջեռոցի բնութագրերից։
_ Հենց ձևամանի մեջ կտրատել չափաբաժիններով և մատուցել տաք կամ սառը վիճակում, երկու տարբերակներն էլ հավասարապես ախորժելի և համեղ կլինեն։
Նման հրաշալի և անսովոր ջեռեփուկի համար պատրաստեք սխտորի սոուս մայոնեզով և քերած թթու վարունգով, կամ պատրաստեք ցանկացած կողմնակի ճաշատեսակ։ Հատկապես համեղ է կարտոֆիլի պյուրեով։
Բարի ախորժակ:
Տեսանյութ
Յուրահատուկ համեղ վինեգրետ