Ճակնդեղ չինական կաղամբով. Պարզ և հիանալի բաղադրատոմսով աղցանը կպատրաստեք առանց դժվարությունների 

Նոր բաղադրատոմսով պատրաստենք Ճակնդեղ չինական կաղամբով: Ցանկալի է, որ մեր ճաշացանկում ավելացնենք ավելի շատ ճակնդեղով բաղադրատոմսեր:

Երբ դիետոլոգները խոսում են քաշի կորստի տարբեր ծրագրերի մասին, այնտեղ բավականին հազվադեպ կարելի է ճակնդեղ գտնել, չնայած, որ սա բավական կարևոր բանջարեղեն է այն մարդկանց համար, ովքեր ձգտում են ճիշտ սնվել։

Բանն այն է, որ ճակնդեղը հարուստ է վիտամիններով և հանքանյութերով, որոնք կարևոր են օրգանիզմի աշխատանքի համար։ Այս մշակաբույսի մեջ կան նաև տրիգլիցերիդներ, որոնք անմիջականորեն մասնակցում են ճարպերի այրմանը:

Բացի այս օգտակար հատկություններից, ճակնդեղը խորհուրդ է տրվում սրտանոթային համակարգի և երիկամների հիվանդությունների դեպքում։ Եթե ​​մարդու օրգանիզմում յոդի պակաս կա, կրկին պետք է դիմել այս բանջարեղենին։

Ճակնդեղ չինական կաղամբով. Բաղադրիչները

_ ճակնդեղ — 1 հատ

_ աղ — մի պտղունց

_ չինական կաղամբ — 150 գ

_ մեղր — 0,5 թեյի գդալ

_ կանաչ սոխ — մի փունջ

_ ֆրանսիական մանանեխ — 1 թեյի գդալ

_ մաղադանոս — մի փունջ

_ կիտրոնի հյութ — 2 ճաշի գդալ

_ բուսական յուղ — 3 ճաշի գդալ

Ճակնդեղ չինական կաղամբով. Պատրաստման եղանակը

_ Ճակնդեղը խաշել մինչև եփվի, սառելուց հետո մաքրել կեղևից։

_ Ճակնդեղը մանրացնել քերիչի խոշոր ատամների վրա։

_ Չինական կաղամբը, կանաչ սոխը և մաղադանոսը կտրատել ոչ այնքան մանր։

_ Մի տարայի մեջ միացնել ճակնդեղը, սոխը, մաղադանոսը և կաղամբը։

_ Բուսական յուղը խառնել ֆրանսիական մանանեխի, կիտրոնի հյութի, աղի և մեղրի հետ։

_ Այս սոուսը լցնել աղցանի վրա և լավ խառնել։

Արագ ու համեղ ճակնդեղով աղցանը կարելի է պատրաստ համարել։ Ավելի ընդգծված համ ստանալու համար կարող եք օգտագործել չզտված յուղ:

Բարի ախորժակ:

Տեսանյութ

Համեղ վինեգրետ