Այսօր Մածնաբրդոշ կամ ակրոշկա կպատրաստենք։ Արդեն այս շոգերին համեղ զովացուցիչ առողջ ըմպելիք կամ մածունով ապուր սառնարանում ունենալու համար կառաջարկեմ իմ հետաքրքիր տարբերակը։
Содержание
Մածնաբրդոշ Ակրոշկա Բաղադրիչներ
- Մածուն — 1 լիտր
- Ջուր — 200 գրամ
- Վարունգ — 1 հատ
- Բողկ մի քանի հատ
- Դդմիկ — 0,5 հատ
- Կանաչիներ — սամիթ և կամ համեմ
- Թարմ սխտորի ճյուղեր
- Աղ, պղպեղ
Մածնաբրդոշ Ակրոշկա Պատրաստման եղանակ
- Պարտադիր է համեղ թանձր մածուն վերցնել մեկ լիտր
- Աղ ցանել և գդալով լավ հարել որպեսզի մի քիչ տարրալուծվի
- Ընթացքում ջուր ենք ավելացնում, կարելի է հենց ծորակից ինչպես ես եմ անում
- Թանձրությունն ու աղի քանակությունը կողմնորոշվեք ըստ ձեր քիմքի
- Այսքանին մեկ վարունգը բավարար է, մանր քառակուսիներով կտրատենք և ավելացնենք մածունի թանձրուկի վրա
- Նույն կերպ վարվենք նաև մի քանի բողկի հետ
- Ակրոշկային ես ավելացնում եմ նաև թարմ դդմիկ, մեկ փոքր չափսի կամ մեծի դեպքում կեսը
- Սխտորը որպեսզի չծանրանա և հետագայում էլ տհաճություններ չառաջացնի մածնաբրթոշը վայելողին, ես այն ձողիկներով եմ քցում մեջը, հետո հեռացնելը հեշտ է լինում, համն էլ հասցնում է փոխանցել ակրոշկային
- Սովորաբար միայն սամիթ լցնողներ կան, բայց ես նաև համեմ եմ սիրում լցնել, և օգտակար է և տարբերվող համով
- Մի լավ խառնում ենք իրար բաղադրիչները, եթե թանձր է մի փոքր կարելի է և ջուր ավելացնել և մատուցել
- Ռուսները ակրոշկան ուտում են որպես ապուր, մեջը ավելացնելով խաշած ձու, երբեմն երշիկ և այլ մթերքներ
- Բայց մենք հայերս՝ ըմպում ենք մածնաբրթոշն ու զովանում տապին, այն շատ դիետիկ է և անչափ օգտակար
- Դե իսկ մատուցումն ու զարդարանքը արդեն ձեր ճաշակով։
Մածնաբրդոշ կամ Ակրոշկա․ Ամառվա շոգին համեղ զովացուցիչ ըմպելիք կամ Ապուր Տեսանյութ
Դե ինչ բարի ախորժակ։