Մակարոնով ջեռեփուկ. Ավելի համեղ է, քան պիցցան

Մակարոնով ջեռեփուկ. Ավելի համեղ է, քան պիցցան:

Եկեք միասին պատրաստենք այն, հենց հիմա: Մակարոնեղենը շատերի սիրած ուտեստն է, բայց սովորական առօրյա մակարոնեղենը երբեմն հոգնեցնում է, իսկ այս եղանակով պատրաստված ջեռեփուկը նույնիսկ ավելի համեղ է, քան պիցցան:

Փորձեք անպայման ձեզ նույնպես դուր կգա, համոզված եմ:

Մակարոնով ջեռեփուկ. Անհրաժեշտ բաղադրիչները

• 400 գրամ ցանկացած մակարոնեղեն
• 250 գրամ ապխտած երշիկ
• 2 լոլիկ
• 150 գրամ պանիր
• 2-3 պճեղ սխտոր
• մայոնեզ
• կետչուպ
• աղ

Մակարոնով ջեռեփուկ. Քայլ առ քայլ բաղադրատոմս

1. Ապխտած երշիկը կտրել երկար շերտերով:
2. Լոլիկները կտրել բարակ կտորներով:
3. Կտրատել բուլղարական պղպեղը:
4. Պանիրը քերիչով մանրացնել:
5. Մաքրել սխտորը և ճզմել մամլիչով:
6. Խաշած մակարոնեղենը լցնել քամոցի մեջ և լվանալ սառը ջրով:
7. Խառնել մայոնեզը կետչուպի հետ:
8. Պատրաստված բաղադրիչները շերտերով շարել ձևամանի մեջ՝
9. Առաջին շերտը մակարոնեղենն է, որի վրա լցվում է մայոնեզի և կետչուպի խառնուրդը հավասար շերտով:
10. Մակարոնեղենի վրա լցնել կտրատված երշիկը և շարել լոլիկի շերտերը:
11. Այս ամենի վրա ցանել քերած պանիր:
12. Այժմ այն ​​դնում ենք 200-220º տաքացրած ջեռոցում մոտ 20 րոպե: Կարևոր է ուշադրություն դարձնել, որ պանիրը չայրվի:

Մակարոնով ջեռեփուկը պատրաստ է, կարող եք հյուրասիրել:

Բարի ախորժակ:

Տեսանյութ

Սպագետտի Բոլոնեզ Սոուսով․ Յուրահատուկ Նուրբ Համ