Եթե մտածում էիք, որ տորթը կամ խմորեղենը մաստիկով զարդարելը դժվար է, մենք վստահեցնում ենք, որ դա թյուրիմացություն է: Ամեն ինչ բավականին պարզ է: Իհարկե, կարելի է խանութում գնել տորթ, բայց պարզ է, որ ցանկալի է ինքնուրույն թխել այն, որ հաստատ համոզված լինեք մթերքների թարմության և անվնաս լինելու մեջ:
Մեր օգնությամբ պարզեք, թե ինչպես կարելի է տանը պատրաստել մաստիկա, որ ցանկացած պահի ձեռքի տակ ունենաք թարմ ու ձեր ուզած երանգով ձևավորման պարագա:
Մաստիկա. Անհրաժեշտ բաղադրիչները
_900 գր նուրբ աղացած շաքարի փոշի
_15 գր ժելատին
_45 գր ջուր
_175 գ թանձր օշարակ
_1 թեյի գդալ վանիլին
_1 պտղունց կիտրոնաթթու
Թանձր օշարակ (ինվերտ օշարակ)
_շաքար 1 կգ
_ջուր 440 մլ
_կիտրոնաթթու 1/4 թեյի գդալ
Մաստիկա. Ինչպես պատրաստել
_Նախ պատրաստենք օշարակը: Ի դեպ, այն կարող եք օգտագործել նաև այլ հրուշակեղենի համար, այնպես որ մի անհանգստացեք, եթե շատ ստացվի:
_Մեզ պետք է մի փոքրիկ կաթսա, նախընտրելի է՝ հաստ հատակով, 1 կգ շաքարավազը լցնել և ավելացնել 440 մլ ջուր:
_Դնել միջին կրակի վրա և անընդհատ խառնել բահիկով, մինչև շաքարը լուծվի: Եթե փրփուր է հայտնվում, հեռացրեք այն գդալով:
_Նվազեցնել կրակը և ավելացնել 1/4 թեյի գդալ կիտրոնաթթու, խառնել: Թույլ եռալով, փակ կափարիչի տակ, եփել օշարակը առնվազն 40-45 րոպե:
_Դրանից հետո հեռացնել կափարիչը, կրակն ուժեղացնել միջին մակարդակի և օշարակը եփել մինչև ցանկալի խտությունը և երանգը:
_Որքան ավելի շատ եփեք, այնքան ավելի թանձր և մուգ գույնի կստացվի: Այս դեպքում կարող է տևել ևս 10-15 րոպե:
_Բաժակի մեջ ժելատինի վրա լցնել սառեցված եռացրած ջուր և խառնել:
_Մեկ այլ տաք ջրով ամանի մեջ դնել բաժակով ժելատինը: Եվ խառնել այնքան ժամանակ, մինչև ժելատինն ամբողջությամբ լուծվի:
_Հաջորդը, տաք ջրով նույն ամանի մեջ դնել օշարակը, եթե այն նախապես ունեիք, այն պետք է տաք լինի:
_Օշարակը լավ խառնել ժելատինի հետ:
_Անպայման մաղել շաքարի փոշին, վանիլին և կիտրոնաթթու ավելացրեք դրան, խառնել: Շաքարի փոշու մեջ փոսիկ անել:
_Լցնել ժելատինի և օշարակի խառնուրդը փոսիկի մեջ և «խմոր» հունցել: Թեթևակի օսլա ցանել սեղանին և լավ հունցել մաստիկան:
Ստացված մաստիկան ի սզբանե մի փոքր դեղին գույն է ունենում: եթե ձյան սպիտակ գույնի կարիք ունեք, մի փոքր ներկեք տիտանի երկօքսիդով: Ավելացրեք բառացիորեն 0,5 թեյի գդալ:
Ձեռքերը նույնպես ավելի լավ է հունցելուց առաջ թաթախել օսլայի մեջ:
Այժմ, ավելացնելով սննդային հեղուկ ներկեր, դուք կարող եք ստանալ ցանկացած գույնի մաստիկա:
Մաստիկան պատրաստ է, կարող եք անցնել խմորեղենի ձևավորմանը:
Տեսանյութ
Պատրաստեք այս արագ բիսկվիթը և ձեր նախընտրած կրեմի ու մաստիկայի շնորհիվ այն կդառնա գեղեցիկ տորթ