Մարինացված լոլիկ ասպիրինով. Համեղ է ինչպես տակառում թթվեցրածը 

Մարինացված լոլիկ ասպիրինով պատրաստելու հետ կապված խնդիրներ չկան, պետք է ընդամենը 15 րոպե: Լոլիկի համն ու տեսքը պարզապես չքնաղ են:

Քանի այլ բաղադրատոմսեր ես արդեն փորձել եմ, ամենահաջողը դեռ ասպիրինով լոլիկն է։ Զարմանալի է, բայց մի քանի հաբերի շնորհիվ կարող եմ հանգիստ լինել, որ պահածոները չեն պայթի, և որ ամեն ինչ կխմորվի այնպես, ինչպես պետք է։ Այս պահածոյի համար իդեալական են մի փոքր չհասած պտուղները:

Համի համար կարող եք ավելացնել մի քիչ խաղողի և ազնվամորու տերևներ։ Վստահեցնում եմ ձեզ և ձեր ընտանիքին այն դուր կգա:

Մարինացված լոլիկ ասպիրինով. Բաղադրիչներ

_Լոլիկ 1,8 կգ

_Մաղադանոս մի քանի ճյուղ

_Սամիթ մի քանի ճյուղ

_Դափնու տերև 2 հատ

_Ջուր 1,5լ

_Ասպիրին 3 հատ

_Կիտրոնաթթու 1 թեյի գդալ

_Շաքար 75 գ

_Աղ 40 գ

_Սխտոր 4 պճեղ

_Սև պղպեղ (ոլոռ) 3 հատ

_Բուրավետ պղպեղ 3 հատ

Մարինացված լոլիկ ասպիրինով. Պատրաստման եղանակը

_Սոդայով մանրակրկիտ լվանալ 3 հատ լիտրանոց բանկա, ողողել, ապա մանրէազերծել:

_Արդեն պատրաստված բանկայի մեջ լցնել բուրավետ և սև պղպեղի հատիկներ, սխտոր, սամիթ, մաղադանոս և դափնու տերևներ։

_Լոլիկները մանրակրկիտ լվանալ, հանել պոչերը, ապա թողնել, որ պտուղները մի փոքր չորանան։

_Մաքուր լոլիկը ամուր դասավորել բանկայի մեջ մինչև վերև:

_Այժմ պատրաստել մարինադը. կաթսայի մեջ լցնել սառը ջուր, ավելացնել կիտրոնաթթու, աղ և շաքար:

_Խառնել ամեն ինչ և կաթսան կրակի վրա դնել:

_Կարիք չկա եռացնել, շաքարավազն ու աղը ամբողջությամբ լուծվելուն պես կաթսան կրակից հանել։

_Բանկայի մեջ շարված լոլիկի վրա դնել ասպիրինի երեք հաբ։

_Այժմ լցնել մարինադը լոլիկի վրա՝ մինչև վերջ:

_Ծածկել բանկան կապրոնե կափարիչով և լավ թափահարել: Հաբերը պետք է ամբողջությամբ լուծվեն:

Մեկ ամիս հետո կարող եք վայելել լոլիկը։

Բարի ախորժակ:

Տեսանյութ

Խառը թթու