Մարինացված լոլիկ մանանեխով: Երբ պատրաստեք այս թթուն ամբողջ տունը կլցվի աննկարագրելի բույրով Լոլիկը ստացվում է այնքան համեղ, հյութալի, անուշաբույր, որ պատկերացնել, կամ նկարագրել ոչ մի կերպ չի կարելի: Այս հիանալի բաղադրատոմսով պատրաստելով միայն կարող եք համոզվել, որ ուղղակի չքնաղ պահածո է ստացվում: Առանց բացառության բոլորին դուր կգա այն:
Մարինացված լոլիկ մանանեխով. Անհրաժեշտ բաղադրիչներ
- Լոլիկ 3 կգ 200 գ
- Սառը մաքուր ջուր 2.5 լ
- Աղ 125 գ
- Շաքար 125 գ
- Ծովաբողկի տերևներ
- Մանանեխի փոշի 30 գ
Մարինացված լոլիկ մանանեխով. Պատրաստման եղանակը քայլ առ քայլ
- Լցնել աղը, շաքարը և ջուրը կաթսայի մեջ, մանրակրկիտ խառնել, մինչև այն ամբողջովին լուծվի:
- Նախապես լավ լվացված, պոչերը հեռացված, ամուր, առողջ լոլիկները շարել թթվեցման համար նախատեսված դույլի մեջ, վրան ավելացնել պատրաստված աղաջրով: Այնուհետև լոլիկը ծածկել ծովաբողկի տերևներով:
- Մանանեխի փոշին հավասարաչափ շաղ տալ դրանց ամբողջ մակերեսի վրա:
- Դույլը կափարիչով ծածկել, սեղմել ներքև` ավելորդ օդը հանելու համար:
Դույլերը տեղափոխել և թողնել նկուղում մեկ ամսվա ընթացքում, ամբողջովին թթվելու համար:
Թթվեցրած լոլիկը հիանալի է ստացվում, ունի պայծառ ու նուրբ կծու համ, և ախորժելի տեսք, իսկ բույրը խելքահան կանի: Նույնիսկ դժվար կլինի համբերել, մինչև ամբողջությամբ պատրաստ լինի:
Մարինացված լոլիկը մանանեխով պատրաստ է:
Բարի ախորժակ:
