Առաջարկում ենք պատրաստել մարինացված կանաչ լոլիկ: Աշնանը ցուրտ եղանակի պատճառով լոլիկներն այլևս չեն հասունանա, բայց չի կարելի թողնել, որ բարիքը փչանա թփի վրա:
Դրանցից շատ համեղ խորտիկ են պատրաստում՝ քաղցր և թթու լոլիկներ, շատ բուրավետ և ախորժելի։
Մարինացված կանաչ լոլիկ. Անհրաժեշտ բաղադրիչները
_Լոլիկ մոտ 1 կգ
_Դափնու տերև 1 հատ
_Մեխակ 1 հատ կամ առանց դրա
_Սև պղպեղ 7 հատ
_Բուրավետ պղպեղ 4 հատ
_Սխտոր 5 պճեղ
_Կանաչի, կծու պղպեղ ըստ ճաշակի
Մարինադի համար ձեզ հարկավոր է
_Աղ 2 ճաշի գդալ
_Շաքարավազ 4 ճաշի գդալ
_Քացախ 9% 100 մլ
Մարինացված կանաչ լոլիկ. Պատրաստման եղանակը
Բաղադրիչների ծավալները չափված է 1 լիտրանոց 3 բանկաների համար։
_Կծու պղպեղը մանրացնել, մաղադանոսն ու սամիթը լվանալ, սխտորը կտրատել:
_Մաքուր բանկաների մեջ լցնել համեմունքներն ու սխտորը, կծու պղպեղն ու կանաչիները։
_Լցնել լոլիկը և եռման ջուր ավելացնել, ծածկել կափարիչներով և թողնել 20 րոպե։
_Բանկաների ջուրը դատարկել կաթսայի մեջ, ավելացնել աղն ու շաքարավազը, հասցնել եռման աստիճանի, լցնել քացախը և եփել 0,5 րոպե։
_Լցնել մարինադը բանկաների մեջ՝ լոլիկների վրա, փակել կափարիչներով:
_Բանկաները շրջել և փաթաթել սրբիչով թողնել, մինչև սառչելը:
_Պահել պատշգամբում կամ նկուղում:
Լոլիկը շատ համեղ է, այն ուղղակի կարելի է մատուցել թխած կարտոֆիլի հետ և այլ հավելում չի պահանջվի։
Բարի ախորժակ:
Տեսանյութ
Ամանորյա թեթև աղցան կանաչ լոլիկով