Եկեք պատրաստենք մարինացված շամպինիոններ, այս նախուտեստը պարզապես հիանալի է խնջույքի համար։ Այն շատ ավելի համեղ է ստացվում, քան խանութից գնվածները։
Պայծառ և հարուստ սնկի համ և բույր ունի: Նման նախուտեստն իր տեղը կգտնի ցանկացած սեղանին, կդառնա դրա զարդարանքը։
Մարինացված շամպինիոններ. Անհրաժեշտ բաղադրիչները
_Շամպինիոններ 800 գր
_Ջուր 150-200 մլ
_Շաքարավազ 1 ճաշի գդալ
_Աղ 1 ճաշի գդալ
_Քացախ 9% 4 ճաշի գդալ
_Բուսական յուղ 3 ճաշի գդալ
_Սև պղպեղի հատիկներ 6 հատ
_Դափնու տերև 3 հատ
_Սխտոր 5 պճեղ
Մարինացված շամպինիոններ. Պատրաստման եղանակը
_Ջուրը լցնել խորը կաթսայի մեջ, ավելացնել շաքարավազը, աղը, քացախը և արևածաղկի ձեթը։
_Դնել կրակի վրա, ջուրը հասցնել եռման աստիճանի։
_Սունկը լավ լվանալ հոսող սառը ջրի տակ և լցնել մարինադի մեջ։
_Ավելացնել սխտորը, պղպեղի հատիկները և դափնու տերևները, ցանկության դեպքում ավելացնել մեխակ և բուրավետ պղպեղ։
_Կափարիչով ծածկել և եփել եռալուց հետո՝ 5-7 րոպե։
_Երբ սունկը սկսում է եռալ, հեռացնել փրփուրը։
_Պատրաստի սունկը լցնել ստերիլիզացված բանկաների մեջ, լցնել մարինադը և փակել կափարիչներով։
_Սառելուց անմիջապես հետո կարելի է ուտել, բայց ավելի լավ է սպասել մեկ օր, այդպես համն ավելի հարուստ կլինի։
Մարինացված շամպինիոնները պատրաստ են լինում 10 րոպեում։ Այս կերպ պատրաստված սունկն ավելի լավ է մատուցել կիսաօղակներով կտրատած սոխի հետ։
Բարի ախորժակ:
