Մարինացված չերի լոլիկ

Ձեզ հարկավոր են միայն նվազագույն քանակությամբ բաղադրիչներ, իսկ արդյունքում՝ մարինացված չերի լոլիկը ձմռանը հիանալի խորտիկ է ցանկացած առիթի համար:

Ձմեռային պատրաստուկների թեման շատ հետաքրքիր է յուրաքանչյուր տնային տնտեսուհու համար, քանի որ ամբողջ ձմռանը բոլորն ուզում են հաճույք պատճառել ընտանիքին` խրթխրթան թթու վարունգով, կծու աղցաններով և, իհարկե, անուշահոտ լոլիկով:

Սովորական պահածոների ցանկում նորություն մտցնելու համար այս տարի առաջարկում ենք պատրաստել թթու չերի լոլիկ:

Մարինացված չերի լոլիկ. Բաղադրությունը

_Չերի լոլիկ 3 կգ

_Սոխ 4 հատ

_Սխտոր 10 պճեղ

_Աղ 1.5 թեյի գդալ

_Շաքարավազ 6 ճաշի գդալ

_Խնձորի քացախ 4 ճաշի գդալ

Մարինացված չերի լոլիկ. Պատրաստման եղանակը

_Լոլիկները մանրակրկիտ լվանալ հոսող ջրի տակ, և մաքրել սոխը և սխտորը:

_Յուրաքանչյուր լոլիկի պոչիկի մասում ատամի չոփիկով ծակել` դրա շնորհիվ նրանք չեն պայթի, երբ վրան եռման ջուր լցվի: Լցնել լոլիկները բանկայի մեջ, մինչև կեսը, ավելացնել 2-3 պճեղ սխտոր և մի քանի օղակ սոխ, ապա կրկին լոլիկ լցնել մինչև բանկայի պռունկը:

_Լցնել չերի լոլիկների վրա եռացրած ջուրը երկու անգամ, ամեն անգամ թողնելով դրանք 10-15 րոպե, ապա ջուրը քամելով և սկսեք պատրաստել մարինադ:

_Ջրին ավելացնել աղ, շաքար և քացախ, խառնուրդը հասցնել եռման և լցնել բանկաների մեջ:

_Կափարիչներով ամուր փակել և գլխիվայր շրջած փաթաթել ծածկոցով, թողնել տաք տեղում, մինչև որ ամբողջովին սառչեն:

_Բաղադրության մեջ համեմունքները նշվում են 1 լիտր ջրի հաշվարկով, այնպես որ, եթե ավելին եք օգտագործում, ապա մթերքները հաշվարկեք, մի քանի անգամ ավելացնելով դրանց քանակը:

_Արդեն սառած թթու չերի լոլիկները պահել զով, մութ տեղում` այս կերպ նրանք առանց խնդիրների կմնան մինչև գարուն և նույնիսկ մինչև ամառվա սկիզբ:

Կարող եք այս պահածոն մատուցել ոչ միայն որպես նախուտեստ տոնական սեղանին, այլ նաև որպես ձեր սովորական ճաշի կամ ընթրիքի հավելում:

Մարինացված չերի լոլիկը պատրաստ է:

Բարի ախորժակ:

Տեսանյութ

Խառը թթու