Մարինացված պղպեղ. Անուշաբույր հիանալի նախուտեստ ձմռան համար

Առաջարկում ենք պատրաստել շատ համեղ և բուրավետ աղցան Մարինացված պղպեղ կանաչիներով, որը հիանալի համադրվում է տարբեր կողմնակի ուտեստների և խորտիկների հետ։

Մարինացված պղպեղ. Անհրաժեշտ բաղադրիչները

_Քաղցր պղպեղ 3 կգ

_Սխտոր 3 պճեղ

_Մաղադանոս 1 փունջ

_Պղպեղի հատիկներ՝ ըստ ճաշակի

_Ջուր 1 լ

_Շաքարավազ 200 գր

_Աղ 2 ճաշի գդալ

_Քացախ 9% 250 մլ

_Բուսական յուղ 100 մլ

Մարինացված պղպեղ. Պատրաստման եղանակը

_Ընտրել, հյութալի, մսոտ, քաղցր պղպեղներ առանց վնասվածքների:

_Պղպեղները մի քանի տեղից պատառաքաղով ծակծկել, պոչերը կտրել, բայց ցողունին չդիպչել։

_Աղը շաքարը, քացախն ու բուսայուղը լուծել ջրում, եռացնել ու պղպեղը լցնել։

_Եռացող մարինադի մեջ պղպեղները մի քանի րոպե եփել, մինչև մի փոքր փափկեն:

_Սխտորն ու մաղադանոսը կտրատել։

_Մաքուր բանկաների մեջ լցնել սխտորն ու մաղադանոսը, շարել պղպեղները, վրան ավելացնել մաղադանոս և սխտոր, լցնել տաք մարինադը։

_Բանկաները մանրէազերծված կափարիչներով փակել և ծածկել սրբիչով, թողնել, մինչև սառչի:

_Պահել նկուղում կամ մառանում։

Այս պահածոն շատ հարմար է մատուցել մսային նախուտեստների, թխած կարտոֆիլի հետ, և այլն։

Բարի ախորժակ:

Տեսանյութ

Կարմիր պղպեղ պատրաստելու հիանալի տարբերակ