Մարինացված սմբուկ պղպեղով. Դդմիկը հերթափոխը հանձնեց սմբուկին, այժմ սմբուկի սեզոնն է և փորձառու տնային տնտեսուհիները բաղադրատոմսեր են փոխանակում միմյանց հետ:
Այսօր մենք կպատմենք ձեզ, թե ինչպես պատրաստել մարինացված սմբուկը պղպեղով: Այս նախուտեստը կարող է մատուցվել արդեն 4 ժամ հետո: Այս ընթացքում ժամանակ կունենաք պատրաստել առաջինը, երկրորդը և աղանդերը:
Ցանկանու՞մ եք ուրախացնել ձեր սիրելիներին և հյուրերին կծու տնական բանջարեղենով: Ուրեմն ծանոթացեք բաղադրատոմսի հետ:
Մարինացված սմբուկ պղպեղով. Բաղադրությունը
_Սմբուկ 1.5 կգ
_Չիլի պղպեղ 1 հատ
_Բուլղարական պղպեղ 3 հատ
_Սխտոր 1 գլուխ
_Սոխ 2 հատ
_Համեմ 1 փունջ
_Ջուր 750 մլ
_Աղ 1,5 թեյի գդալ
_Քացախ 5 ճաշի գդալ
_Համեմի սերմ 0,5 թեյի գդալ
_Արևածաղկի ձեթ 4-5 ճաշի գդալ
_Դափնու տերև 2 հատ
_Սև պղպեղ 8-10 հատ
Մարինացված սմբուկ պղպեղով. Պատրաստման եղանակը
_Սկզբում պատրաստել մարինադը: Խորը կաթսայի մեջ ջրին խառնել աղը և մնացած համեմունքները: Խառնուրդը հասցնել եռման և եփել 5 րոպե:
_Դրանից հետո անջատել կրակը, կաթսայի մեջ ավելացնել քացախ: Մի կողմ դնել մարինադը, որ սառչի:
_Այդ ընթացքում նախապես պոչերը կտրատած սմբուկը ջրի մեջ լցնել, հասցնել եռման և եփեք 5 րոպե:
_Այնուհետև ջուրը քամել և սառեցնել բանջարեղենը: Այս ընթացքում բուլղարական պղպեղը կտրել շերտերով, իսկ սոխը` կես օղակներով:
_Կտրատել կանաչիները, կամայական կտորներով կտրատել չիլի պղպեղը:
_Մաքրել սխտորը և ճզմել յուրաքանչյուր պճեղը մամլիչով: Խառնել կտրատած բանջարեղենը: Սառեցված սմբուկները կտրել օղակներով:
_Խորը կաթսայի մեջ առաջին շերտով շարել մանր կտրատած բանջարեղենը և համեմը: Դրանց վրա դնել սմբուկի մի շերտ: Եվ այսպես, շերտ առ շերտ, մինչև բոլոր բաղադրիչները չվերջանան:
_Պատրաստուկի վրա լցնել արևածաղկի ձեթ, լավ խառնել այն և լցնել մարինադը: Կափարիչով ծածկել ամանը և դնել սառնարանում առնվազն 4 ժամ:
Նման եղանակով մարինացված սմբուկը պղպեղով կարելի է համտեսել հենց պատրաստման օրը: Օրինակ, եթե երեկոյան հյուրեր եք ունենալու, առավոտյան ավելի լավ է պատրաստել խորտիկը:
Ի վերջո, որքան երկար են մնա բանջարեղենի թթուն, այնքան ավելի համեղ կծու և խրթխրթան են դառնում դրանք:
Մարինացված սմբուկը պղպեղով պատրաստ է:
Բարի ախորժակ:
