Մարինացված սմբուկ. Սնկի նուրբ համով նախուտեստ

Եթե ​​դուք սիրում եք սնկով նախուտեստներ, ապա այս մարինացված սմբուկի բաղադրատոմսը հենց ձեզ համար է:

Համեղ նախուտեստը՝ սնկի համով և բույրով, ձեզ կգերի:

Մարինացված սմբուկ. Անհրաժեշտ բաղադրիչները

_Սմբուկ 1 կգ

_Սխտոր 1 գլուխ

_Սոխ 1 հատ

_Սամիթ 0,5 փունջ

_Քացախ 9% 3 ճաշի գդալ

_Բուսական յուղ 6 ճաշի գդալ

_Աղ 1 ճաշի գդալ

_Շաքար 1 ճաշի գդալ

_Պղպեղ՝ ըստ ճաշակի

Մարինացված սմբուկ. Պատրաստման եղանակը

_Լվանալ սմբուկը և կտրատել խորանարդներով կամ քառորդ օղակներով:

_Սոխը կտրատել բարակ կիսաօղակներով:

_Սխտորն ու սամիթը մանր կտրատել։

_Եռացնել 1 լիտր ջուր և լցնել սմբուկի վրա։

_Որպեսզի ավելի արագ և հավասարապես թրմվեն, վրան դնել ծանրոց և եփել 4 րոպե:

_Մաղի մեջ լցնել և թողնել, որ քամվի և սառչի։

_Սմբուկները խառնել կանաչիների, սխտորի, սոխի, աղի հետ և ըստ ճաշակի ավելացնել շաքարավազն ու պղպեղը, լցնել քացախն ու բուսական յուղը, լավ խառնել։

_Տարան ծածկել ու մեկ օրով դնել սառնարանը, բայց մի երկու ժամից արդեն կարելի է փորձել։

_Ավելորդ չի լինի պարբերաբար խառնել նախուտեստը, որպեսզի բանջարեղենը հավասարապես մարինացվի:

_Որքան երկար է մարինացվում ուտեստը, այնքան ավելի համեղ է դառնում։

Դուք կարող եք ավելացնել ավելի շատ կծու պղպեղ ըստ ճաշակի, մաղադանոս, որը սմբուկը «սիրում է», ավելի շատ սխտոր: Ինչ վերաբերում է բուսական յուղին, ապա կարելի է լցնել նաև չզտվածը, որն ավելի բուրավետ և ախորժելի է դարձնում նախուտեստը։

Բարի ախորժակ:

Տեսանյութ

Յուրահատուկ սմբուկով ուտեստ