Մարինացված սմբուկ. Պահածոն ուղղակի հիանալի է, ախորժելի և գեղեցիկ

Մարինացված սմբուկը հաճույք է: Դրանում ինքներդ կհամոզվեք, երբ պատրաստեք այս պահածոն:

Ձմռանը պտուղներն այնքան համեղ չեն, որքան ամռանը։ Այնպես որ, պետք է նախապես հոգ տանել ձեր սննդակարգի մասին և նախապատրաստական ​​աշխատանքներ կատարել։

Մարինացված սմբուկ. Անհրաժեշտ բաղադրիչներ

— սմբուկ 3 կիլոգրամ

— ջուր

— կիտրոն

— լոլիկ

— մի փունջ մաղադանոս

— սխտոր

— դափնու տերևներ

— սև պղպեղի հատիկներ

— համեմ

— խոշոր աղ

— շաքարավազ

— Քացախ 9 տոկոս

— Բուսական յուղ

Մարինացված սմբուկ. Պատրաստման եղանակը

_ Մեծ ամանի մեջ լցնել 3 լիտր ջուր և ավելացնել մեկուկես ճաշի գդալ աղ։

_ Սմբուկը մաքրել, երկարավուն կտորներով կտրատել, լցնել ջրի մեջ, թողնել 15 րոպե։

_ Ջրով կաթսան դնել վառարանի վրա, սպասել, որ եռա։ Կես կիտրոնի հյութը քամել վրան, այնուհետև թող նորից եռա։

_ 3 րոպեով սմբուկները լցնել եռացող ջրի մեջ։ Հանել և տեղափոխել քամոցի մեջ։

_ Սա արեք բաժիններով, մինչև ամբողջ սմբուկը թերխաշվի:

_ Լոլիկը կտրատել։

_ Ստերիլիզացված բանկայի հատակին մի քանի հատ պղպեղ և մեկ դափնու տերև դրեք:

_ Լցնել կես թեյի գդալ համեմի սերմեր և մեկ մեծ պճեղ սխտոր։ Մի քիչ կանաչիներ դնել ու բանկան սերտորեն սեղմելով՝ լրացնել սմբուկի կտորներով։

_ Յուրաքանչյուր բանկայի համար պետք կլինի՝ 3-4 կտոր լոլիկ։ Դրանք դնել հնարավորինս սեղմ: Վերևում ևս մի քիչ կանաչի դրեք:

_Վերջում ավելացնել մեկ թեյի գդալ աղ և երկու թեյի գդալ շաքարավազ։ Լցնել երկու ճաշի գդալ բուսական յուղ և մեկ ճաշի գդալ քացախ։

_ Բանկաները ծածկել կափարիչով:

_Այսպես լցնել բոլոր բանկաները:

_ Մեծ կաթսայի մեջ սրբիչ փռել, վրան դնել բանկաները և լցնել ջուր:

_ Եռալուց հետո ստերիլիզացնել 25 րոպե։

_ Բանկաները փակել կափարիչներով և շրջել գլխիվայր:

Պահածոն պատրաստ է: Օգտագործեք այս բաղադրատոմսը և վայելեք բարիքները նույնիսկ ձմռանը:

Բարի ախորժակ բոլորին: