Մարինացված սմբուկ. Խորովածի համով հաճելի խորտիկ

Որքան համեղ ու բուրավետ է Մարինացված սմբուկը, որ չօգտվելն ուղղակի անհնար է։

Ես միշտ ձմռան համար նման սմբուկներ եմ պատրաստում, խորովածի փոխարեն։ Ամբողջ ձմեռ իմ ընտանիքը վայելում է այն: Հեշտ է պատրաստվում և աներևակայելի համեղ է։

Մարինացված սմբուկ. Անհրաժեշտ բաղադրիչները

_Սմբուկ 2 կգ

_Գլուխ սոխ 500 գր

_Սխտոր 1 գլուխ

_Ջուր 150 մլ

_Աղ 1,5 ճաշի գդալ

_Շաքարավազ 2 ճաշի գդալ

_Քացախ 9% 80 մլ

Մարինացված սմբուկ. Պատրաստման եղանակը

_Սմբուկները մաքրել պոչերից, լավ լվանալ, բանջարեղենը կեղևահանող գործիքով կեղևը հանել։

_Կտրել խոշոր կտորներով:

_Կտրել սոխը կիսաօղակներով, սխտորը բարակ կտրատել կամ ճզմել ճզմիչով։

_Նախօրոք տաքացրած տապակի մեջ լցնել բուսական յուղը, սմբուկը լցնել և տապակել մինչև մի թեթև ոսկեգույն դառնա։

_Այնուհետև դրանք տեղափոխել ամանի մեջ, որպեսզի ամբողջովին սառչեն։

_Պատրաստել մարինադը, դրա համար ջուրը լցնել խորը կաթսայի մեջ, ավելացնել աղը, շաքարավազը, ամեն ինչ խառնել։

_Հենց շաքարն ու աղը լուծվեն՝ լցնել քացախը։

_Թողնել մարինադը եռա մեկ րոպե, թողնել ամբողջովին սառչի։

_Խորը ամանի հատակին շերտով դնել տապակած սմբուկները, վրան լցնել սխտոր, սոխ և խորովածի համեմունք։

_Այնուհետև կրկին շարել սմբուկի շերտ, ցանել սխտոր և սոխ, ավելացնել համեմունք:

_Սմբուկների վրա լցնել սառած մարինադը, ծածկել ափսեով և որևէ ծանրոց դնել վրան։

_12 ժամով դնել սառնարանը։

_Նախապես ստերիլիզացված բանկաների մեջ լցնել սմբուկ և սոխ։

_Լցնել մարինադը, ծածկել կափարիչներով։

_Խորը կաթսայի հատակին կտոր կամ սրբիչ դնել, տարաները դնել, լցնել տաք ջուր և եռման պահից սկսած 10 րոպե մանրէազերծել։

_Պատրաստի բանկաները հերմետիկ փակել, շրջել և թողնել ամբողջովին սառչի։

Բարի ախորժակ:

Տեսանյութ

Յուրահատուկ սմբուկով ուտեստ