Մեքսիկական թթու կաղամբ. Այս կաղամբին աստիճանաբար վարժվեցի, քանի որ թվում էր, թե դասական թթու կաղամբից լավը չկա: Սկզբում դրանք տատիկիս փակած պահածոներն էին: Հետո ես ուղղակի սիրահարվեցի սուպերմարկետում վաճառվող մանուշակագույն կաղամբին, որը մարինացված էր ճակնդեղով` քառակուսի կտորներով, ինչն ինձ թվում էր պարզապես շուկայավարման հնարք:
Եվ միայն այն ժամանակ, երբ ես գտա մեքսիկական կաղամբի բաղադրատոմսը, պարզվեց, որ այստեղ ամենևին էլ հարցը շուկայավարման մեջ չէ:
Իրականում, կծու կաղամբը՝ մեծ կտորներով մարինացված, խոհարարական միտում է, որը մեզ է հասել Հյուսիսային Ամերիկայից:
Մեքսիկական թթու կաղամբ. Անհրաժեշտ բաղադրիչները
- Սպիտակ կաղամբ 0.5 հատ
- Գազար 1 հատ
- Սխտոր 5-6 պճեղ
- Ջուր 500 մլ
- Աղ 0.5 թեյի գդալ
- Շաքար 1,5 ճաշի գդալ
- Քացախ 30 մլ
- Բուրավետ պղպեղ 5 հատ
- Չիլի պղպեղ 1 հատ
- Դափնու տերև 2 հատ
Մեքսիկական թթու կաղամբ. Պատրաստման եղանակը
- Կաղամբը կտրել շերտերով, ինչպես ցույց է տրված լուսանկարում: Դրանք պարտադիր չէ, որ լինեն քառակուսի, բայց պետք է լինեն բավականաչափ մեծ:
- Կտրել գազարը շերտերով կամ քերել խոշոր քերիչով: Կտրել սխտորի պճեղները շերտերով կամ կտորներով, մանրացնել կծու պղպեղը, այնուհետև բոլոր բաղադրիչները հավասարաչափ տարածել բանկաների վրա:
- Պատրաստել մարինադը. Եռացնել ջուրը աղով և շաքարով, ավելացնել պղպեղ և դափնու տերև: Վերջում լցնել քացախը և հեռացնել մարինադը կրակից:
- Կաղամբը տեղավորել բանկաների մեջ, վրան լցնել կծու մարինադը, սպասել մինչև սառչի և դնել սառնարանում մեկ-երկու օր:
Մատուցել սառը վիճակում: Դրանից առաջ խորհուրդ է տրվում համեմել բուսական յուղով և քնջութի սերմերով: Քացախն ինքն իրենով արդեն բավարար կծվություն կտա, իսկ չիլին կամ խալապենյոն ավելի սուր համ կավելացնեն մեքսիկական կաղամբին:
Կաղամբ կարելի է գտնել տարվա ցանկացած պահի, իսկ այս կերպ պատրաստված թթու կաղամբը խորհուրդ է տրվում պատրաստի պահել սառնարանում ոչ ավելի, քան մեկ ամիս:
Մեքսիկական թթու կաղամբը պատրաստ է:
Բարի ախորժակ: