Միմոզա աղցան. Նուրբ, տոնական, դասական աղցան
Այս աղցանը կզարդարի ձեր սեղանը և ավելի կպայծառացնի ձեր ամառային տրամադրությունը: Անպայման փորձեք, պարզապես մատները հետը կուտեք, այնքան համեղ է:
Միմոզա աղցան. Անհրաժեշտ բաղադրիչները
- Կեղևով խաշած կարտոֆիլ 3 հատ
- Խաշած գազար 2 հատ
- Եփած ձու 5 հատ
- Թունոսի կամ սարդինների 2 պահածո
- Կանաչ սոխ՝ 3 ճաշի գդալ
- Տնական մայոնեզ 150 գ
- Հիմալայական աղ
- Պղպեղ՝ ըստ ճաշակի
- Ձկան համեմունքներ՝ ըստ ճաշակի
- Սամիթ 2-3 ճյուղ
Միմոզա աղցան. Պատրաստման եղանակը
- Նախ ձուկը դնել ափսեի մեջ, հանել ոսկորները և ձուկը պատառաքաղով տրորել: Կանաչ սոխը մանր կտրատել:
- Այնուհետև խաշած կարտոֆիլը քերել խոշոր քերիչի վրա և լցնել ափսեի վրա առաջին շերտով, կարտոֆիլի շերտի վրա թույլ աղ անել և մայոնեզ քսել:
- Կարտոֆիլի վրա լցնել տրորած ձուկը, ավելացնել ձկան համեմունքներ:
- Հաջորդ շերտով լցնել կանաչ սոխի շերտ, նորից քսել մայոնեզ:
- Խաշած գազարները քերել մանր քերիչով և տարածել հաջորդ շերտով, վրան քսել մայոնեզ:
- Հետո լցնել մանր քերած սպիտակուցի շերտ, այն հավասարապես բաշխելով ամբողջ ափսեի վրա:
- Սամիթի ճյուղերը գեղեցիկ կերպով դասավորել սպիտակուցների վրա, իսկ մանր քերիչով քերած դեղնուցը լցնել ճյուղերի վրա՝ միմոզա պատրաստելու համար:
Պայծառ, գարնանային և համեղ Միմոզա աղցանը պատրաստ է: Սա իսկական գտածո է ցանկացած տնային տնտեսուհու համար, ավելի լավ բաղադրատոմս չեք փորձել:
Բարի ախորժակ:
Տեսանյութ
Թեթև աղցան կանաչ լոլիկով
