Մսով աղցան. Շատ համեղ և գեղեցիկ ուտեստ

Մսով աղցան. Շատ համեղ և գեղեցիկ ուտեստ

Անչափ համեղ աղցան նախուտեստ, որը սեղանից անհետանում է անմիջապես:

Ուրախ կլինեմ ձեզ հետ կիսել խոզի մսով աղցանի շատ համեղ բաղադրատոմս: Ամուսինս շատ է սիրում միս և նրան այնքան դուր եկավ այս աղցանը, որ հիմա խնդրում է ամեն շաբաթ հանգստյան օրերին պատրաստել այն:

Նախուտեստը պատրաստելու համար շատ ժամանակ չի պահանջվում: Եթե միսն արդեն եփած է, ապա ամբողջ պատրաստումը կտևի 10 րոպե: Բաղադրիչները խառնելուց հետո աղցանը թողեք մեկ ժամ:

Մսով աղցան. Անհրաժեշտ բաղադրիչները

_Խոզի միս 500 գրամ

_Բուլղարական պղպեղ 1 հատ

_Սոխ 1 հատ

_Կիտրոն 2-3 շերտ

_Քացախ 2 ճաշի գդալ

_Աղ, կանաչիներ՝ ըստ ճաշակի

Մսով աղցան. Պատրաստման եղանակը

_Նախ շերտատել կիտրոնը: Վերցնել կիտրոնի կեղևով օղակ և կտրել այն փոքր կտորների:

_Կտրել սոխը կիսաօղակներով, փորձեք հնարավորինս բարակ կտրել:

_Սոխը և կիտրոնը լցնել խորը ամանի մեջ և ավելացնել քացախը:

_Եփած խոզի միսը կտրատել շերտերով, կարող եք նաև կտորներով կտրել:

_Կտրատել պղպեղը խորանարդներով: Մանրացնել կանաչիները և ավելացնել մսի, պղպեղի, կիտրոնի և սոխի մարինադին, համեմեք ձեր նախընտրած համեմունքներով:

Խորհուրդ եմ տալիս այս աղցանը սեղանին մատուցել պատրաստումից 1 ժամ անց:

Չափավոր կծու, ախորժելի աղցան, որը դուր է գալիս իմ բոլոր հյուրերին:

Բարի ախորժակ:

Տեսանյութ

Աղցան Գնչուհի հորթի մսով