Մսով Կորեական աղցան. Այս թեթև ու հագեցնող նախուտեստն ամանորի սեղանին շատ տեղին կլինի

Պատրաստենք կորեական ուտեստներից մեկը՝ Մսով Կորեական աղցան:

1930-ականներին Կորեայում սննդի հետ կապված խնդիրներ կային։ Այդ պատճառով մարդիկ չէին կարող իրենց թույլ տալ որևէ բարդ կամ թանկ ուտեստներ։ Կորեացի տնային տնտեսուհիները պարզ բաղադրիչներից փորձել են սովորական և կուշտ կյանք հիշեցնող բաներ պատրաստել։

Այժմ նման ուտեստները համարվում են երկրի այցեքարտը, իսկ մեզ համար դրանք համադամ նախուտեստ են:

Մսով Կորեական աղցան. Բաղադրիչները

_ տավարի միս — 400 գ

_ շաքարավազ — 2 թեյի գդալ

_ լոբի — 240 գ

_ սխտոր — 4 պճեղ

_ բուլղարական պղպեղ — 400 գ

_ աղ — 1 պտղունց

_ վարունգ — 250 գ

_ սև պղպեղ — 0,5 թեյի գդալ

_ կիտրոնի հյութ — 2,5 ճաշի գդալ

_ կծու կարմիր պղպեղ — 1 թեյի գդալ

_ գազար — 200 գ

_ համեմի սերմ — 1 թեյի գդալ

_ համեմ — 35 գ

_ բուսական յուղ — 6 ճաշի գդալ

Մսով Կորեական աղցան. Պատրաստման եղանակը

_ Միսը պետք է կտրել բարակ շերտերով, ոչ ավելի, քան 5 մմ հաստությամբ։

_ Պղպեղը մաքրել, վարունգի հետ միասին, մսի նման՝ կտրատել շերտերով։

_ Գազարը քերել կորեական քերիչով (եթե չկա՝ կարող եք սովորական քերիչ օգտագործել։

_ Մանր կտրատել համեմը:

_ Տապակի մեջ տաքացնել մի քիչ բուսայուղ, միսը եփել դրա մեջ, մինչև մանրաթելերի հեղուկն ամբողջությամբ գոլորշիանա։ Այնուհետև մի փոքր տապակել մսի շերտերը։

_ Կաթսայի մեջ եռացնել արևածաղկի ձեթը։

_ Գազարի մեջ լցնել համեմը, սև և կծու պղպեղը։

_ Համեմունքներով գազարի վրա լցնել տաք բուսայուղը, խառնել։

_ Միսն ու լոբին լցնել գազարի մեջ, ավելացնել աղ, շաքարավազ և կիտրոնի հյութ։

_ Բաղադրիչները խառնել, մեջը ճզմել սխտորի պճեղները, լցնել պղպեղն ու վարունգը։

_ Բոլոր բաղադրիչները մանրակրկիտ խառնել ձեռքով։

_ Աղցանի վրա հացել կտրատած համեմ, կրկին խառնել աղցանը: Թող աղցանը թրմվի սառնարանում մոտ 8 ժամ։

Արդյունքում կստանանք համեղ ավանդական կորեական աղցան։ Ցանկության դեպքում կարելի է աղցանը 8 ժամ չթողնել սառնարանում, այլ անմիջապես ուտել։

Բարի ախորժակ:

Տեսանյութ

Կորեական աղցան գազարով և դդմիկով