Մսով նախուտեստ. Սոխով մարինացված հյութալի խորտիկ

Առաջարկում ենք ձեզ պատրաստել շատ համեղ և չափավոր կծու մսով նախուտեստ։

Մսով նախուտեստ. Անհրաժեշտ բաղադրիչները

_Խաշած խոզի միս 500 գր

_Սոխ 3 հատ

_Համեմ կամ մաղադանոս, ռեհան 1 փունջ

_Չիլի պղպեղ՝ ըստ ճաշակի

Մարինադը պատրաստելու համար

_Եռացրած սառը ջուր 50 մլ

_Կիտրոնի հյութ 90 գր

_Բալզամիկ քացախ 2 ճաշի գդալ

_Շաքարավազ 45 գր

_Աղ՝ ըստ ճաշակի

_Ցանկացած բուսական յուղ 4 ճաշի գդալ

_Սև պղպեղ 0,5 թեյի գդալ

_Մաղադանոս 1 թեյի գդալ

_Չիլի պղպեղի փաթիլներ 1/4 թեյի գդալ

Մսով նախուտեստ. Պատրաստման եղանակը

_Միսը, դափնու տերևը, պղպեղի հատիկները, ամբողջական սոխը լցնել եռացող ջրի մեջ և եփել 40-50 րոպե, վերջում աղ անել:

_Միսը հանել ու թողնել սառչի։

_Մարինադի համար խառնել կիտրոնի հյութն ու ջուրը, շաքարավազը, աղն ու քացախը, բուսական յուղը, համեմունքներն ու սև պղպեղը, խառնել:

_Սոխը կտրատել բարակ օղակներով կամ կիսաօղակներով, միսը՝ շերտերով։

_Մարինադի մեջ լցնել սոխի շերտ, վրան՝ միսը, նորից՝ սոխ։

_Ամբողջ մթերքը շերտերով շարել, ծածկել թաղանթով կամ կափարիչով և 4 ժամով դնել սառնարանը։

_Ժամանակ առ ժամանակ միսը խառնել։

Կարելի է մատուցել կանաչիներով`ըստ ճաշակի, սամիթ, մաղադանոս, կծու պղպեղ կամ քաղցր պղպեղ ավելացնել:

Բարի ախորժակ:

Տեսանյութ

Անչափ համեղ տավարի բուժենինա