Մսով և կարտոֆիլով կարկանդակ. Արագ պատրաստվող ու հագեցնող ընթրիք

Արագ ու հեշտ պատրաստվող, համեղ, մսով և կարտոֆիլով կարկանդակը դուր կգա շատերին:

Ամենապարզ քայլերով, մատչելի մթերքներով կարող եք հաճելի ուտեստ պատրաստել, որը կարելի նույնիսկ հատուկ առիթների ժամանակ մատուցել: Իսկ, եթե երեկոյից մնացել է մի երկու կտոր, կարող եք վերցնել ձեզ հետ, աշխատավայրում քաղցը հագեցնելու համար:

Մսով և կարտոֆիլով կարկանդակ. Անհրաժեշտ բաղադրիչները

Լցոնի համար

_Կարտոֆիլ — 5-6 հատ

_Աղացած տավարի միս — 500 գ

_Սոխ — 2 հատ

_Աղ, պղպեղ՝ ըստ ճաշակի

Խմորի համար

_500 մլ կեֆիր

_150 գ կարագ

_1/4 թ/գդ սոդա

_Ալյուր

_Աղ 1 թեյի գդալ

_Դեղնուց

_Քնջութ

 

Մսով և կարտոֆիլով կարկանդակ. Պատրաստման եղանակը

_Խմորի համար կարագը կրակի վրա հալեցնել, թողնել սառչի։ Ավելացնել մածուն, սոդա, աղ, ալյուր, խմորը հունցել։

_Միջուկի համար կարտոֆիլը կտրատել փոքր խորանարդիկներով, միջին չափի կտորներով, մանր կտրատել սոխը։ Դրանք ավելացնել աղացած մսին: Ավելացնել համեմունքներ, լավ խառնել։

_Խմորը բաժանել 2 մասի։ Շերտերից մեկը գրտնակել, դնել ձևամանի մեջ: Վրան լցնել միջուկը։ Ծածկել խմորի երկրորդ շերտով։ Ամրացնել խմորների եզրերը:

_Վրան քսել մի քիչ ջրով հարած դեղնուց։ Շաղ տալ քնջութի սերմեր։

_Թխել 220 աստիճան տաքացրած ջեռոցում, մոտ մեկ ժամ, մինչև եփվի։

Բարի ախորժակ!