Շատ համեղ մսով և բանջարեղենով ուտեստ․ Աջապ Սանդալ

Շատ համեղ մսով և բանջարեղենով ուտեստ․ Աջապ Սանդալ

Այսօր առաջարկելու ենք շատ համեղ մսով և բանջարեղենով ուտեստ, ամառային բանջարեղենային ճաշի Աջաբ-Սանդալի մեր տարբերակը։ Ամենահեշտ ձևն է, երևի թե և անշուշտ՝ ամենահամեղ։

Աջապ Սանդալ. Բաղադրիչները

• Միս — 400 գր․
• Կարտոֆիլ — 500 գր․
• Սմբուկ — 2 հատ
• Դդմիկ — 2 հատ
• Սոխ — 2 հատ
• Պղպեղներ թարմ և գունավոր
• Լոլիկ — 400 գր․
• Խառը կանաչի — 1 կապ
• Կարագ

Աջապ Սանդալի պատրաստման եղանակը

• Բանջարեղենային ճաշ ԱջապՍանդալը յուրաքանչյուր տանտիկին պատրաստում է իր տարբերակով, սա էլ մեր առաջարկած տարբերակն է, որը կարծում ենք կդառնա նաև ձեր նախընտրած տարբերակը,
• Դրա համար սկսում ենք շրջանակաձև կտրատել և նախապատրաստել բանջարեղենները,
• Նախ կարտոֆիլը, հետո սմբուկը՝  բոլոր բանջարեղենները ցանկալի է կտրատել նույն հաստությամբ, որպեսզի միաժամանկ եփվեն,

• Դմմիկը,
• Սոխը,
• Ապա քացր պղպեղները կանաչ և կարմիր գույնի, եթե կծու ուտեստներ շատ եք սիրում և փոքրիկներ չունեք տանը, ապա նաև կծու ծիծակ կարող եք կտրատել,
• Լոլիկը, ես պատրաստելիս այս ուտեստի մեջ տոմատի մածուկ չեմ ավելացնում,
• Այժմ հավաքենք բոլոր բաղադրիչները, կաթսայի հատակին սոխն ենք շարում ապալոլիկի մի մասը, հետո կարտոֆիլը,
• Նախապես խաշած տավարի միսը կտրատում ենք խորանարդիկներով և լցնում կարտոֆիլի վրա,
• Շարում ենք դդմիկը,
• ինչպես նկատեցիք, տակի շերտերը ավելի ուշ եփվող բանջարեղեններն են,
• Դդմիկին հաջորդում են սմբուկն ու պղպեղները,
• Վրայի շերտը մնացած լոլիկներով ենք ծածկում,

• Տավարի մսի արգանակը, որը շատ սննդարար է լցնում ենք ուտեստի վրա, փակում կափարիչը և դնում գազօջախին,
• Մոտ 20 րոպե պետք է եփվի,
• Այդ ընթացքում նախապատրաստենք կանաչիները,
• Առատորեն վերցնում ենք մի կապ խառը թարմ օգտակար կանաչիներ՝ ռեհան, մաղադանոս, համեմ, սամիթ, նաև չորացված կանաչիներով էլ կարող եք համալրել այս փունջը, այն պետք է ավելացնենք ամենավերջում,
• Լցնելուց հետո փակում ենք կափարիչը և 1 րոպեից անջատում գազօջախը։
• Մատուցելուց առաջ ուտեստին կարող եք կարագ ավելացնել, ես բավարվում եմ մսաջրի յուղային մասով։

Մսով և բանջարեղենով ուտեստ Աջապ սանդալ Տեսանյութ

Բարի ախորժակ։