Շերտավոր խմորով խորտիկ. Հնարամիտ տանտիրուհու կախարդական փայտիկը
Գոյություն ունի վարպետ խոհարարների մի շատ շահավետ հնարք. Սառնարանում շերտավոր խմոր պահել (խմորիչով, թե առանց դրա՝ ամեն ինչ կախված է անձնական նախասիրությունից): Նման խմորից հիանալի կարկանդակներ են ստացվում մսով, շոկոլադով, հատապտուղներով, բայց որ ամենակարևորն է` արագ ու առանց մեծ չարչարանքի:
Եթե ունեք կեքսի համար նախատեսված ձևաման և շերտավոր խմոր, ապա վստահ եղեք, որ անսպասելի հյուրերին զարմացնելու բան կունենաք: Այսօր մենք կկիսվենք օրիգինալ նախուտեստի բաղադրատոմսով, որը կարելի է լցոնել նրանով, ինչ կա ձեռքի տակ՝ խաշած միս, պանիր, ձու: Սա պայմանական է, քանի որ երևակայության մեջ ազատ եք:
Շերտավոր խմորով խորտիկ. Անհրաժեշտ բաղադրիչները
- Շերտավոր խմոր 500 գ
- Ձու 2 հատ
- Հավի խաշած կրծքամիս 300 գ
- Կոշտ պանիր 150 գ
- Աղ` ըստ ճաշակի
- Սև պղպեղ (աղացած)` ըստ ճաշակի
- Թթվասեր 3 ճաշի գդալ
Շերտավոր խմորով խորտիկ. Պատրաստման եղանակը
- Հալված խմորը գրտնակել և կտրել հավասար մասերի: Պիտի ստացվի մոտ 10 կամ 12 կտոր:
- Դնել խմորի կտորները կեքսի ձևամանի մեջ, տակի մասը պատառաքաղով ծակծկել, վրան քսել հարած ձու:
- Մանրացնել հավի կրծքամիսը և պինդ խաշած ձվերը, խառնել, ավելացնել թթվասերը, աղ և պղպեղ անել:
- Լցնել այս զանգվածը խմորի վրա, ցանել քերած պանիր և թխել ջեռոցում 180 աստիճանի տակ 30 րոպե:
Ավելի լավ է շերտավոր խմորով զամբյուղներ ձևավորել, այնպես որ դրանք ոչ միայն հաճելիորեն կփխրվեն, այլև շատ փափուկ և հյութալի կմնան:
Ի՞նչ եք կարծում, էլ ի՞նչ կարող եք ավելացնել լցոնմանը: Գրեք ձեր պատասխանը մեկնաբանություններում և պահեք բաղադրատոմսը ձեր էջանիշերում:
Շերտավոր խմորով խորտիկը պատրաստ է
Բարի ախորժակ
Տեսանյութ
Շերտավոր խմորով համեղ գաթա պատրաստեք