Շերտավոր խոզի միսն այնքան լավն է, որ ես միշտ կրկնակի բաժին եմ պատրաստում, երբ հյուրեր են գալիս, որպեսզի հյուրասիրեմ իմ սիրելիներին, իսկ հետո ևս մի քանի օր կարողանամ վայելել այս համեղ նախուտեստը:
Համեմունքների և շամպինիոնի ու գազարի շերտերի շնորհիվ խոզի միսը անհավանական հյութեղություն է ստանում։ Եթե հոգնել եք սովորական բաղադրատոմսերից, ապա պետք է բացահայտեք նորերը։ Հիմա իմ տան ամեն մի ճաշկերույթ ուղեկցվում է նոր ու վառ ուտեստներով։
Բայց խոզի միսն այս եղանակով այնքան լավն է, որ ստիպված եմ ամեն շաբաթ պատրաստել։
Սա հիանալի տարբերակ է սենդվիչների և սառը նախուտեստների համար:
Շերտավոր խոզի միս. Անհրաժեշտ բաղադրիչներ
_Խոզի որովայնի միս 1300 գ
_Գազար 1 հատ
_Սխտորի փոշի 5 գ
_Սխտոր 1 պճեղ
_Կիտրոնի հյութ 3 թեյի գդալ
_Սունկ 100 գ
_Սամիթ 15 գ
_Մաղադանոս 10 գ
_Աղ՝ ըստ ճաշակի
_Սև պղպեղ (աղացած)՝ ըստ ճաշակի
_Իտալական համեմունքներ 1 թեյի գդալ
_Մսի համեմունքներ 1 թեյի գդալ
Շերտավոր խոզի միս. Պատրաստման եղանակը
_Խոզի որովայնի միսը կտրատել 4 առանձին մասի` ավելի շատ մսոտ և շատ ճարպի շերտով:
_Առանձին ամանի մեջ խառնել աղը, իտալական համեմունքները, մսի համեմունքները, չորացրած սխտորն ու պղպեղը, ստացված խառնուրդով մանրակրկիտ շփել խոզի մսի յուրաքանչյուր կտոր։ Մի կողմ թողեք 15 րոպե, որպեսզի մարինացվի:
_Այդ ընթացքում գազարը քերել կորեական գազարի քերիչով։ Կես կիտրոնի հյութը քամել մեջը, թարմ սխտորն անցկացնել մամուլիչով, խառնել։
_Սամիթն ու մաղադանոսը մանր կտրատել, իսկ սունկը բարակ շերտատել։
_Նեյլոնե թելերը փռել խոհանոցի տախտակի վրա ու վրան դնել մսի առաջին կտորը։
_Հաջորդը գալիս է գազարի շերտը, որը պետք է ծածկվի համեմունքներով պատված հաջորդ մսի շերտով։
_Հետո դնել մի փոքր աղ արած սունկ, դրանից հետո՝ ավելի շատ մսոտ շերտ:
_Նախավերջին շերտը կանաչին է, ծածկել մնացած մսի շերտով։
_Այժմ ամուր կապել ստացված շերտերը թելերով, դնել թխելու տոպրակի մեջ, կապել երկու կողմից և տեղափոխեք հրակայուն ձևամանի մեջ։ Ատամի չոփով մի քանի անցք բացեք, որպեսզի օդը շրջանառվի:
_Ուտեստը դնել նախապես 180 աստիճան տաքացրած ջեռոցում։
_Բազմաշերտ որովայնի միսը թխել 1 ժամ 40 րոպե։ Նշված ժամանակից հետո անհրաժեշտ է շրջել և թխել ևս 20 րոպե։
_Հենց որ միսը հանեք ջեռոցից, վրան դրեք որևէ ծանրոց և սպասեք, որ ամբողջովին սառչի։
Շերտավոր խոզի միսը պատրաստ է: Հեռացրեք թելերը և կտրատեք մատուցման կտորների։
Բարի ախորժակ:
Տեսանյութ
Խոզի միսը ջեռոցում
