Շոկոլադե լիկյոր. Ընտանեկան հավաքույթների հաճելի ըմպելիք
Գրեթե ամեն ինչ ավելի լավն է դառնում մի փոքր շոկոլադի և լիկյորի հետ: 17-րդ դարից սկսած, քաղցր ըմպելիքի մասին հիշատակումները սկսեցին երևալ խոհարարական գրքերում, և այսօր արդեն կան դրա մի քանի տեսակներ: Մենք ցանկանում ենք ձեզ առաջարկել յսերուցքային լիկյորի բաղադրատոմս, որը Գերմանիայում անվանում են «հրեշտակային»:
Քաղցր ըմպելիքը նման գրավիչ անուն ստացել է իր սպիտակ գույնի և թավշյա համի համար: Այն պատրաստվում է ամարետոյի հիմքի վրա, որի դառը համը լրիվ աննկատ է դառնում սպիտակ շոկոլադ ավելացնելուց հետո:
Շոկոլադե լիկյոր. Անհրաժեշտ բաղադրիչները
- Սերուցք 500 մլ
- Լիկյոր «Amaretto» 300 մլ
- Սպիտակ շոկոլադ 150 գր
- Վանիլին 2 գր
- Ձու 1 հատ
Շոկոլադե լիկյոր. Պատրաստման եղանակը
- Բաժանել շոկոլադը մասերի և հալեցնել ջրային գոլորշու վրա:
- Սերուցքը (250 մլ) տաքացնել վանիլինով (ցանկության դեպքում օգտագործել վանիլային շաքար) և այնուհետև ավելացնել հալված շոկոլադին:
- Քանի խառնուրդը շատ տաք չէ, ավելացնել ձուն և արագ խառնել: Ավելացնել ամարետոն և մնացած սերուցքը և խառնուրդը կրակի վրա պահել ևս 7 րոպե:
- Լիկյորը լցնել հարմար տարայի մեջ և պահել սառնարանում: Այն սառնարանում կարելի է պահել երկուսից- չորս շաբաթ:
Այս բաղադրիչներից կարելի է ստանալ մոտավորապես մեկ լիտր տնական լիկյոր:
Սպիտակ շոկոլադի օգտագործումը անսովոր է, ուստի գեղեցիկ տարայի մեջ լցված ըմպելիքը հիանալի նվեր կլինի:
Ի դեպ, ավելի համեղ է տնական պաղպաղակը՝ մի փոքր սպիտակ շոկոլադե լիկյորով:
Շոկոլադե լիկյորը պատրաստ է:
Բարի ախորժակ:
Տեսանյութ
Տորթ Պրահա
