Զատկի սեղանն առանց չամիչով փլավի անհնար է պատկերացնել, այնպես որ առաջարկում եմ եմ չամիչով բրինձ պատրաստելու իմ բաղադրատոմսը գրել: Սա համեղ և սննդարար ուտեստ է: Պատրաստումը ձեզանից կխլի ընդամենը 40 րոպե: Չամիչով բրինձը կարելի է ուտել կաթով շիլայի փոխարեն նախաճաշին, ճաշին որպես կողմնակի ուտեստ կամ ընթրիքի համար: Չամիչով բրինձ պատրաստելու համար ձեզ հարկավոր է երկար տեսակի բրինձ, օրինակ՝ բասմատի:
Բայց ցանկացած այլ երկարահատիկ բրինձը նույնպես հարմար է: Կլոր հատիկներով բրինձը հարմար չէ, քանի որ այն արագ է եփվում, իսկ մեզ պետք է, որ բրինձը պահպանի իր ձևը և չկպչի իրար: Լցնել պահանջվող քանակությամբ բրինձ: Սովորաբար վերցնում եմ 1 բաժակ բրինձ 4 լրիվ բաժնի համար
Չամիչով բրինձ. Անհրաժեշտ բաղադրիչները
_երկար բրինձ — 1 բաժակ
_չամիչ — 1 բաժակ
_կարագ — ըստ ճաշակի
_աղ` ըստ ճաշակի
Չամիչով բրինձ. Պատրաստման եղանակը
_Կաթսայով ջուր դնել կրակի վրա, բերել եռման, աղ անել, լվացած բրինձը լցնել եռացող ջրի մեջ:
_Խաշել բրինձը 30 րոպե, երբեմն խառնելով, որպեսզի չկպչի իրար:
_Մինչ բրինձը եփում է, դուք բավական ժամանակ ունեք չամիչ պատրաստելու համար:
_Ամեն ինչ կախված է ձեր ճաշակից: Եթե սիրում եք, որ բրնձի մեջ շատ չամիչ լինի, ուրեմն այսպես հաշվարկեք՝ 1 բաժակ չամիչ 1 բաժակ բրնձի համար (1: 1): Եթե ուզում եք մի քիչ չամիչ, ապա կես բաժակ վերցրեք:
_Չամիչը պետք է ուշադիր մաքրել, տեսակավորել: Դրանից հետո մի քանի անգամ լվանալ առատ ջրով, կարող է շատ կեղտոտ լինել:
_Տապակի մեջ հալեցնել կարագի մի կտոր, մեջը լցնել լվացված չամիչը և տապակել 5-7 րոպե միջին կրակի վրա՝ ժամանակ առ ժամանակ խառնելով: Դուք կհասկանաք, որ չամիչները պատրաստ են, երբ նրանք սկսեն փքվել ու վերածվել գնդիկների:
_Այդ ընթացքում բրինձն արդեն պատրաստ է: Այն պետք է լցնել փլավքամիի մեջ, որպեսզի ջուրը լրիվ քամվի (3 րոպե):
_Այժմ քամված բրինձը պետք է խառնել չամիչի հետ նույն տապակի մեջ, որտեղ չամիչները տապակվել էին: Եթե զգում եք, որ կարագը քիչ է, ապա հանգիստ ավելացրեք այն:
Չամիչով բրինձը պատրաստ է:
Շնորհավոր Սուրբ Զատիկ
Բարի ախորժակ
Տեսանյութ
Չամիչով փլավ
