Համեղ չինական կաղամբով աղցան կարելի է պատրաստել ամեն օր և չձանձրանալ, քանի որ կարող եք փոփոխել կամ ավելացնել բաղադրիչներ ու ստանալ բոլորովին տարբերվող նախուտեստ:
Մոլորակի ամենաառողջ բանջարեղեններից մեկը կաղամբն է։ Ավելին, այս բույսի բավական տեսակներ կան, որոնք մարդկանց ընտրության հնարավորություն են տալիս աճեցնելու և ուտելու համար։ Օրինակ, կա սպիտակ կաղամբ և չինական կաղամբ, ինչպես նաև ծովային կաղամբ:
Ասիայում կաղամբին վերաբերվում են առանձնահատուկ սիրով և ակնածանքով։ Չինաստանում, Ճապոնիայում մշակվում են բանջարեղենի նոր տեսակներ՝ նոր օգտակար նյութեր ստանալու նպատակով։
Կաղամբի մեջ պարունակվում է վիտամինների և հանքանյութերի մեծ հավաքածու: Այն կարողանում է օրգանիզմից հեռացնել խոլեստերինը, քայքայել լեղապարկի քարերը։ Թերևս չինական կաղամբի այս առավելություններնբ են դեր խաղացել բանջարեղենի հայտնի դառնալու գործում։
Պեկինյան կաղամբը կարելի է ուտել հում, տապակած և խաշած վիճակում։
Մենք ձեզ կպատմենք չինական համեղ կաղամբով աղցանի մասին։
Համեղ չինական կաղամբով աղցան. Բաղադրությունը
_ չինական կաղամբ — 250 գ
_ աղ — կես թեյի գդալ
_ վարունգ — 2 հատ
_ սխտոր — մի պճեղ
_ սամիթ — 20 գ
_ թթվասեր — 2 ճաշի գդալ
_ պահածոյացված կանաչ ոլոռ — 130 գ
Համեղ չինական կաղամբով աղցան. Պատրաստման եղանակը
_ Կաղամբն ու սամիթը մանր կտրատել, խառնել մեկ ամանի մեջ։
_ Վարունգը մանր ձողիկներով կտրատել, լցնել սամիթի և կաղամբի խառնուրդի վրա։
_Պահածոյից քամել հեղուկը և ոլոռը լցնել աղցանամանի մեջ։
_ Բուսական զանգվածի մեջ մամլիչով ճզմել սխտորի մի պճեղը, աղ անել, լցնել թթվասերը և լավ խառնել։
Ստացվում է շատ ոչ բարդ աղցան չինական կաղամբով։ Ցանկության դեպքում աղցանի վրա լցնելու համար կարող եք օգտագործել մայոնեզ և աղացած սև պղպեղ:
Բարի ախորժակ:
Տեսանյութ
Նոր աղցան բրոկոլիով
