Ապխտած հավի կրծքամսով, պահածոյացված եգիպտացորենով և չորահացերով աղցան. Մթերքի անսովոր համադրությունը շքեղ համ և բույր է հաղորդում։
Այս աղցանը հարմար է թե որպես հագեցնող ընթրիք, թե որպես նախուտեստ խնջույքի համար:
Չորահացերով աղցան. Անհրաժեշտ բաղադրիչները
_Հավի ապխտած միս 250 գր
_Կորեական գազար 250 գր
_Սոխ 1 հատ
_Բոքոն 7 շերտ
_Պահածոյացված եգիպտացորեն 150 գր
_Սամիթ, մայոնեզ՝ ըստ ճաշակի
Չորահացերով աղցան. Պատրաստման եղանակը
_Բոքոնը կտրատել շերտերով և չորացնել հարմար ձևով։
_Եթե այն չորացնելու եք ջեռոցում կամ տապակի մեջ՝ կարելի է լցնել մի փոքր բուսական յուղ:
_Համեմունքներ պետք չեն՝ աղցանի բաղադրության մեջ ունի կորեական գազար, որն արդեն բավականաչափ համեմունքներ ունի:
_Սոխը մանր կտրատել և մարինացնել ըստ ցանկության։ Այնուհետև մարինադը քամել մի փոքր։
Խորհուրդ՝ կարող եք օգտագործել կարմիր սոխ, այդ դեպքում աղցանն ավելի քաղցրություն կունենա։
_Միսը մանր կտրատել։
_Կանաչիները նույնպես մանր կտրատել։
_Միսը խառնել եգիպտացորենի, կանաչիների, կորեական գազարի հետ։
_Համեմել մայոնեզով։
_Այժմ կարելի է անմիջապես ավելացնել չորահացերը և մատուցել։
Կարող եք սեղանին աղցանն առանձին մատուցել և յուրաքանչյուրն ինքն իր ափսեում չորահացեր ավելացնի։
Առանց չորահացերի աղցանը պահվում է սառնարանում, փակ վիճակում՝ 2-ից 3 օր։
Բարի ախորժակ:
Տեսանյութ
Հավի կրծքամսով աղցան
