Պահածոյացված բուլղարական պղպեղ ձմռան համար: Կիրակի առավոտյան շուկա գնալը մայրիկների ամենշաբաթյա ծեսն է: Ամռան առաջին կեսին նրանք դդմիկներ և լոլիկ են գնում, կեսին` անցնում սմբուկներին, և հիմա անցել են պղպեղին:
Ամեն տարի ամռանը մենք չարչարվում ենք պահածոյացման գործերով, որովհետև լավ ենք հիշում, թե ինչ գներ են սուպերմարկետներում ձմռանը:
Այս կերպ պատրաստված պղպեղները հարմար են աղցանի, խորտիկի և այլ ուտեստների համար:
Պահածոյացված բուլղարական պղպեղ ձմռան համար. Անհրաժեշտ բաղադրիչները
_ Ջուր 2 լ
_Շաքար 1,5 ճաշի գդալ
_Աղ 1,5-2 ճաշի գդալ
_Սև պղպեղ 2-3 հատ
_Դափնու տերև 2-3 հատ
_Քացախ 50 մլ
_Բուլղարական պղպեղ 1 կգ
Պահածոյացված բուլղարական պղպեղ ձմռան համար. Պատրաստման եղանակը
_Այս պահածոյի համար պետք է վերցնել սովորական դեղին պղպեղ: Դա շուկայում ամենաէժանն է: Առաջին քայլն այն է, որ բանջարեղենը պետք է լավ լվանալ հոսող ջրի տակ:
_Այնուհետև հեռացնել պղպեղի ցողուններն ու սերմերը: Մաքրած բանջարեղենը տեղափոխել խորը կաթսայի մեջ և ծածկել եռացող ջրով: 15 րոպե անց դրանք կփափկեն, պատրաստ կլինեն մշակման համար:
_Այդ ընթացքում կարող եք մանրէազերծել պահածոները ծանոթ ու հարմար եղանակով: Դրանից հետո լցրեք դրանք փափկած պղպեղով: Կարելի է ավելի շատ տեղավորել, եթե փոքր պղպեղները դնեք խոշորների մեջ:
_Այժմ պետք է պատրաստել մարինադ: Ջրին ավելացնել հատիկով պղպեղ, դափնու տերևներ, աղ և շաքար: Խառնուրդը եռացնել կաթսայի մեջ և եփել մի քանի րոպե:
_Լցնել մարինադը բանկաների մեջ: Ամենավերջում ավելացնել քացախը:
_Փակել բանկաները ստերիլ կափարիչներով, շրջեք դրանք գլխիվայր և փաթաթեք ծածկոցի մեջ:
Երբ բանկաները սառչեն, կարող եք շարել նկուղում կամ պահոցում:
Այս բաղադրատոմսի համաձայն պահածոյացված պղպեղը ձմռանը կարելի է ոչ միայն հենց այդպես մատուցել որպես խորտիկ: Դրանով կարելի է պատրաստել գերազանց լցոնված պղպեղ:
Պահածոյացված բուլղարական պղպեղը ձմռան համար պատրաստ է:
Բարի ախորժակ: