Պահածոյացված պղպեղ. Ձմռանը սա լցոնում եք և շքեղ հյուրասիրությունը պատրաստ է
Այս եղանակով պահածոյացված պղպեղը կարող եք օգտագործել տարբեր ուտեստներ պատրաստելիս կամ ուղղակի լցոնել աղացած մսով, դնել ջեռոցն ու հրավիրել թանկագին հյուրերին:
Մարինադն ապահովում է պղպեղի յուրահատուկ համն ու բույրը: Ես առաջարկում եմ պղպեղի պատրաստման պարզ բաղադրատոմսերից մեկը:
Պահածոյացված պղպեղ. Անհրաժեշտ բաղադրիչները
— Բուլղարական պղպեղ
2 լիտր մարինադ պատրաստելու համար
— Ջուր 2 լ
— Շաքարավազ 1,5 ճաշի գդալ
— Աղ 1,5 — 2 ճաշի գդալ
— Սև պղպեղ 3 հատ
— Դափնու տերև 2 — 3 հատ
— Քացախ 9% 50 գ
Պահածոյացված պղպեղ. Պատրաստման եղանակը
_Ընտրել ցանկացած չափի բարձրորակ պղպեղ, առանց վնասվածքների:
_Հեռացնել պոչերը, սերմերը:
Հուշում. Սուր դանակով, զգուշորեն կտրվածք անել պոչի կողքերով, պտտել այն և հեշտությամբ կարող եք ամբողջ միջուկը հանել սերմերով:
_Պղպեղի վրա լցնել եռման ջուր և թողնել 15 րոպե:
_Այժմ փափկած պղպեղը դնել ստերիլիզացված բանկաների մեջ: Ես ավելի փոքր պղպեղները դնում եմ մեծերի մեջ, այնուհետև դրանք շարում եմ բանկայի մեջ: Այսպիսով, դուք կարող եք ավելի շատ պղպեղ դնել բանկայի մեջ:
_Մարինադի համար խառնել բոլոր բաղադրիչները, բացառությամբ քացախի, եռացնել և եփել մի քանի րոպե:
_Լցնել մարինադը բանկաների մեջ, յուրաքանչյուրի մեջ լցնել քացախ, փակել կափարիչներով:
_Շրջել բանկաները, փաթաթել դրանք և թող սառչեն:
_Պահածոները պահել նկուղում կամ պահարանում:
Բաղադրատոմսը շատ պարզ է, բայց պղպեղն այնքան անուշաբույր է ստացվում, երբ հետագայում շոգեխաշում եք լցոնած պղպեղը վառարանի վրա կամ ջեռոցում:
Պահածոյացված պղպեղը պատրաստ է:
Բարի ախորժակ:
Տեսանյութ
Կարմիր պղպեղ
