Ճակնդեղով, պանրով և ընկույզով աղցանն անփոխարինելի է այն դեպքում, երբ դուք հոգ եք տանում ձեր առողջության համար:
Շատ հարմար բաղադրատոմս է, որ կարելի է պատրաստել կիրակնօրյա ընթրիքի համար, և բոլորովին ամոթ չէ տոնական սեղանին դնել:
Ճակնդեղով, ընկույզով և պանրով աղցանը պատրաստվում է գրեթե բոլորի սառնարաններում առկա բաղադրիչներից և ստացվում է, որ այն շատ համեղ է և գեղեցիկ կարելի է ձևավորել: Հիմա եկեք միասին պատրաստենք այն:
Ճակնդեղով, պանրով և ընկույզով աղցան. Անհրաժեշտ բաղադրիչներ
_Ճակնդեղ — 0,5 կգ
_Պանիր — 200 գ
_Ընկույզ — 0,5 բաժակ
_Սխտոր — 1 պճեղ (ըստ ցանկության)
_Մայոնեզ — 3 ճաշի գդալ
Ճակնդեղով, պանրով և ընկույզով աղցան. Ինչպես պետք է պատրաստել
_Խաշել ճակնդեղը: Եթե մեծ է` 1−1,5 ժամ, իսկ միջին չափի դեպքում` մոտ մեկ ժամ: Ճակնդեղը պետք է լինի փափուկ: Պատրաստ լինելու դեպքում ճակնդեղը հանեք կաթսայից, որ այն ջուրը չներքաշի և թող սառչի: Մաքրել հովացրած ճակնդեղը և քերել խոշոր քերիչով: Ինչպես ցույց է տալիս փորձը, ավելի լավ է նույն աղացով աղալ բոլոր բաղադրիչները, կամ եթե քերում եք, ապա նույն տիպի քերիչով, եթե կտրատում ենք, ապա նույն չափի խորանարդ կամ ձողիկներ կտրատել:
_Կտրատել կամ քերիչով մանրացնել պանիրը:
_5-7 րոպե չոր տապակի վրա բովել ընկույզը, որ մի փոքր շագանակագույն դառնան (միջին ջերմության վրա, առանց յուղի), այնպես, որ ընկույզների եզրերը դարչնագույն լինեն: Սա աղցանին կտա հաճելի, նուրբ համ: Տապակելուց հետո թողեք 2-3 հատ ընկույզ, որպեսզի ձևավորեք պատրաստի աղցանը: Մնացածը մանրացնել դանակով կամ քերած քերիչով:
_Եթե որոշեք ավելացնել սխտոր, բարակ կտրատել այն կամ ճզմել սխտորի մամլիչով:
_Խառնել ենք բոլոր մանրացված բաղադրիչները, ավելացնել մայոնեզը, մանրակրկիտ խառնել և բաժանել բաժինները բաժակների, կամ հարմար ամանների մեջ, որում պետք է մատուցել: Աղցանի վերևի մասը զարդարել ընկույզի կտորներով:
_Այսպիսով, շատ հեշտ և արագ կարելի է պատրաստել աղցան ճակնդեղով, պանրով և ընկույզով:
_Ի դեպ, աղցանի մեջ դուք կարող եք ավելացնել նուրբ մանրացված սալորաչիր կամ չամիչ, սրանք նույնպես աղցանը կարող ենք դարձնել ավելի համեղ և առողջ:
Ճակնդեղով, պանրով և ընկույզով աղցանը պատրաստ է:
Բարի ախորժակ:
Մեկ այլ տարբերակ ճակնդեղով աղցանի, փորձեք անպայման․