Այս բաղադրատոմսով դուք կպատրաստեք շատ փափուկ և առաձգական պելմենիների խմոր, խնկալիների և այլ ուտեստների համար։
Պելմենիների խմոր. Անհրաժեշտ բաղադրիչները
_Ձու 1 հատ
_Բուսական յուղ 1 ճաշի գդալ
_Տաք ջուր 1 բաժակ
_Ալյուր 3 բաժակ
_Աղ 1 թեյի գդալ
Պելմենիների խմոր. Պատրաստման եղանակը
_Ձվերը խառնել աղի հետ և հարել խառնիչով։
_Ալյուրը մաղել, մաս-մաս լցնել զանգվածի մեջ, լցնել տաք ջուրն ու բուսայուղը։
_Սկզբում խառնել բահիկով, ապա, երբ խմորի ջերմաստիճանը թույլ է տալիս՝ ձեռքերով հունցել ալյուր ցանած սեղանի վրա։
_Խմորը փափուկ, ճկուն և առաձգական է ստացվում, արդեն կարող եք սկսել ձևավորել պելմենիներ, խնկալիներ և այլն:
Հուշում. խմորն իրեն հիանալի է պահում ձեռքով պելմենի ձևավորման ժամանակ, իսկ երբ դա անում եք կաղապարով, այն չի փռվում, կարելի է շատ բարակ գրտնակել։
Կարող եք նաև շերտավոր խմոր պատրաստել՝ խմորը մի քանի մասի բաժանել և յուրաքանչյուրը բարակ գրտնակել։ Այնուհետև յուրաքանչյուր շերտին քսեք հալած կարագ և դրեք իրար վրա, այժմ գրտնակեք մեկ մեծ շերտ։
Այս խմորից կարող եք կտրել շրջանակներ կամ եռանկյուններ, դնել միջուկ և թխել կարկանդակներ 180 աստիճան տաքացրած ջեռոցում 20-ից 30 րոպե:
Այս եղանակով կարկանդակներ կարելի է նաև տապակել թավայի մեջ։
Բարի ախորժակ:
Տեսանյութ
Համեղ պելմենի հեշտ բաղադրատոմս
