Պելմենիով ապուր. Դյուրամարս ու հագեցնող կերակուր
Պելմենին ունիվերսալ ուտեստ է: Քանի որ սլավոնական ժողովուրդների և նրանց հարևանների խոհարարական ավանդույթները սերտորեն փոխկապակցված են, այս համեղ ուտեստի փոփոխված բաղադրատոմսերը կարող եք գտնել տարբեր երկրների խոհանոցներում: Հիմնականում դրանք տարբերվում են լցոնմամբ: Մսի փոխարեն պելմենին կարող է լցոնվել կաղամբով կամ սնկով: Բայց դրանց ձևը պարտադիր պետք է նույնը մնա:
Սովորաբար իմ սառնարանում միշտ կա մոտ կես կիլոգրամ հյութալի պելմենի: Ես միշտ պահում եմ այս պաշարը, քանի որ պելմենին օգտագործում եմ տարբեր ուտեստների մեջ: Ահա իմ սիրելի կերակուրներից մեկը:
Պելմենիով ապուրը տնական ուտեստ է ամեն օրվա համար: Այն դուր կգա նրանց, ովքեր սիրում են կոլոլակով, կամ խմորակտորներով ապուրներ:
Պելմենիով ապուր. Անհրաժեշտ բաղադրիչները
- Ջուր 2.5 լ
- Պելմենի 250 գ
- Կարտոֆիլ 150 գ
- Գազար 100 գ
- Սոխ 80 գ
- Բուլղարական պղպեղ 70 գ
- Արևածաղկի ձեթ 2 ճաշի գդալ
- Մաղադանոս 20 գ
- Աղ` ըստ ճաշակի
- Սև պղպեղ (աղացած)` ըստ ճաշակի
Պելմենիով ապուր. Պատրաստման եղանակը
- Մաքրած կարտոֆիլը կտրել միջին չափի կտորներով: Կտրել սոխը գազարը և պղպեղը խորանարդաձև:
- Թարմ բուլղարական պղպեղի փոխարեն կարող եք օգտագործել սառեցվածը, ապուրի դեպքում դա այնքան էլ կարևոր չէ:
- Լցնել կարտոֆիլը աղ արած եռացող ջրի մեջ: Եփել 5-7 րոպե միջին կրակի վրա:
- Այդ ընթացքում, տապակել սոխը գազարի և պղպեղի հետ միասին տաք յուղի մեջ մինչև թափանցիկ դառնա:
- Այս խառնուրդը կեփվի 4-5 րոպե: Դրանից հետո լցնել կարտոֆիլի վրա, խառնուրդը եռացնել:
- Հետո լցնել սառեցված պելմենիները, եփել ապուրը ևս 7 րոպե ցածր կրակի վրա: Ամբողջ ընթացքում պետք է խառնել:
- Պատրաստման վերջում կաթսայի մեջ ավելացնել մանր կտրատած կանաչիներ և մի փոքր սև պղպեղ:
- Անջատել կրակը, փակել կաթսան կափարիչով: Թող ուտեստը եփվի 10-15 րոպե:
Սա իսկապես պարզ ուտեստ է, որը չի հավակնում հայտնվել տոնական սեղանին: Բայց այն կարող են հագեցնող լինել, և պետք է մոտ մեկ ժամ ծախսել դրա պատրաստման վրա:
Պելմենիով ապուրը պատրաստ է:
Բարի ախորժակ:
Տեսանյութ
Հավի մսով ապուր