Պեկինյան կաղամբով Աղցան. Գեղեցիկ ու նուրբ նախուտեստ

Պեկինյան կաղամբով Աղցան պատրաստելով դուք կարող եք սկսել ստեղծել հիանալի խոհարարական տոն:

Ուրախանալու առիթներ գուցե այնքան էլ շատ չկան, բայց դա չի նշանակում, որ պետք է դադարեք հաճելի ուտեստներ վայելել: Հատկապես, եթե դրանք պատրաստվում են անչափ հեշտ:

Դժվար կլինի անցնել այս աղցանի կողքով: Ֆանտաստիկ տեսքը դրա հիմնական առանձնահատկությունը չէ: Հավն ու բանջարեղենը` համեմված պանրի գնդիկներով, կծու սոուսով, կպայծառացնեն ձեր ամենօրյա սննդացանկը: Նման աղցանով ամեն օրը տոն կլինի:

Պեկինյան կաղամբով Աղցան. Անհրաժեշտ բաղադրիչները

_Հավի կրծքամիս 300 գր

_Քնջութ 10 գ

_Պեկինյան կաղամբ 350 գ

_Պահածոյացված եգիպտացորեն 85 գ

_Ֆետա պանիր 100 գ

_Բուլղարական պղպեղ 150 գ

_Կարմիր սոխ 120 գ

_Սխտոր 3 պճեղ

_Սամիթ 20 գ

_Բոքոն հաց 160 գ

_Ձիթապտղի յուղ 30 գ

_Պրովանսյան համեմուքներ 1 թեյի գդալ

_Մայոնեզ 130 գ

_Սոյայի սոուս 15 մլ

_Մանդարինի հյութ 40 մլ

Պեկինյան կաղամբով Աղցան. Պատրաստման եղանակը

_Կտրել հացը խորանարդներով մոտ 1 սմ չափերով: Տոպրակի մեջ լցնել հացը, ավելացնել ձիթապտղի յուղ, պրովանսալ համեմունքներ, աղ և ճզմել 1 պճեղ սխտոր: Փակել տոպրակը և խառնել պարունակությունը:

_Ջեռոցի տապակը ծածկել յուղաթղթով և վրան լցնել հացի կտորները: Ջեռոցը տաքացնել 170 աստիճանով և 20 րոպե չորացնել բոքոնի կտորները, երբեմն խառնելով:

_Կտրել հավի միսը շերտերով, աղ և պղպեղ անել, ավելացնել քնջութի սերմերը, 5-6 րոպե թավայի մեջ տապակել բոլոր կողմերից արևածաղկի ձեթով:

_Ֆետան խառնել մանր կտրատած սամիթի և ճզմած սխտորի պճեղի հետ:

_Միատարր զանգվածից թեյի գդալով առանձնացնել մասեր և գնդիկի ձև տալ դրանց:

_Առանձին ամանի մեջ խառնել մայոնեզը, սոյայի սոուսը, հյութը և քամած սխտորը: Կաղամբը և պղպեղը մանր կտրել շերտերով, մանրացնել սոխը:

_Խորը ամանի մեջ խառնել կաղամբը, եգիպտացորենը, պղպեղը, սոխը և հավի միսը:

_Կաղամբով աղցանը գնդիկներով և չորահացերով տեղափոխել հարթ ափսեի վրա, լավ ցողել սոուսով:

Պեկինյան կաղամբով Աղցանը պատրաստ է:

Բարի ախորժակ:

Տեսանյութ

Աղցան Ցեզար